Saturday, August 1, 2009

انا مش فرخة

كان يعيش في احد الايام نسر في قمة جبل عالية
وفي احد الايام هز زلزال عنيف الارض وسقطت احدي
بيضات النسر الاربعة الي ان استقرت في عش احدي الفرخات في سفح الجبل
وقامت الدجاجة بحماية البيضة والعناية بها حتي فقست البيضة
وخرج منها نسر صغير لكنه تربي علي ان يكون مجرد دجاجة
وعرف انه ليس الا دجاجة
وفي احد الايام كان يلعب مع الدجاجات شاهد مجموعة من النسور تحلق في السماء تمني حينها ان يطير كما تطير النسور لكنه فوجيء بضحك الدجاج عليه
والاستهذاء به وهم يرددون ما انت الا دجاجة ولا يمكن ان تحلق كالنسور
شعر النسر انه علي خطء وتوقف عن الحلم
وعاش حياته كاملة وهو مجرد دجاجة تافهة ومات وهو يتصور انه مجرد دجاجة تافة
وحرم نفسه من متعة ان يصبح نسر

هكذا الكثير منا كل منا يرسم لنفسه صورة سلبيه نابعة من ضعفه او راي المحيطين به وهو يتصور انه لا يمكن ان يصل الا الي ما هو عليه
لكنه في الحقيقة لديه قوة كبيرة كامنة لا تظهر امام ضعفه واستسلامه للامر الواقع

تابع حياتك حاول لا تتوقف
تحرك لا تقف في نقطة معينة وتنظر للعالم
استمر في التحرك حتي تصل لنظرة اكثر عمقا واكثر قيمة

ان نظرتك انت لنفسك هي التي فقط تحدد مدي قدرتك علي تحقيق النجاح
فلا تجعل نفسك في احد الاوقات فريسة لضعفك ونظرتك السلبية لذاتك
واعلم
ان الله لا يغير ما بقوم حتى يغيروا ما بأنفسهم

22 comments:

  1. السلام عليكم

    اول تعليق

    محجوز

    لوردشان

    روح الحب

    واميرة وادى النسيان

    ههههههههههههههههه

    ReplyDelete
  2. عارف يا استاذ تامر

    مشكلتك يا بنى انك دايما

    بتيجى فى الصميم وتبدع كعادتك

    ههههههههههه

    مش غلاسة على فكرة

    بس بجد الموضوع فكرنى

    بفترة مريت بيها وكنت شبه مدمرة

    وقررت انى انهى اى شئ فى حياتى ليه قيمة
    ودى كانت اول مرة احس فيها

    بالعجز بس تمسكى بالله

    ولوجئ اليه جعلنى امر منها بخير

    وخرجت منها اكثر قوة

    بل جعلنى افيق مما كان يسبب لى هذا كله

    وها أنا استمر فى طريقى لأعوض ما فاتنى

    اختك

    وردشان

    ReplyDelete
  3. اشكرك يا رورو علي كلاماتك الجميلة
    لازم الانسان يعيد اكتشاف نفسه
    ويتاكد ان جواه طاقات كبيرة قوي
    ويعلم انه لو في شقاء
    يبقي اكيد ده منه
    لانه مش بيعرف اذاي يستخدم قدراته
    ومواهبه
    او حتي ينميها

    تحياتي
    تامر الحسيني
    انسان عاشق حر

    ReplyDelete
  4. حلو جدا الكلام اللى حضرتك بتقوله ده يا تامر ياريت كلنا نعمل بيه ومش نخلى حد يهدم احلامنا علشان مش نموت من غير ما نكون اصلا عيشنا نحاول ونقول يارب علشان منمتشس فراخ
    للك تحياتى
    رويدا

    ReplyDelete
  5. اعتقد انه كان من الافضل لهذا النسر ان يصعد لقمة الجبل ويلقى بنفسه فاما ان ينفرد جناحاه ويطير لاعلى ويعيش كما اراد له الله نسرا...او يهوى الى اسفل ولا يعيش كدجاجه



    تحياتى

    ReplyDelete
  6. عزيزتي رويدا

    اهلا وسهلا بيكي في مدونة انسان عاشق حر

    لازم الانسان يبقي عنده اسرار ورغبة قوية ان محدش يهدم حلمه او يخليه يموت منغير حتي ميقدر يكتشف نفسه ويكتشف طاقاته الكامنة

    تحياتي
    تامر الحسيني
    انسان عاشق حر

    ReplyDelete
  7. عزيزي لاسع افندي
    اهلا بيك في مدونة انسان عاشق حر

    دي الزيارة الاولي ليك واتمني متكونش الاخيرة

    جميل قوي تعليقك
    علي الانسان ان يواجه قدره ويتحدي ولو كان النتيجة ان يموت وهو يحاول

    تحياتي
    انسان عاشق حر

    ReplyDelete
  8. عارف يا تامر

    انت جبت الخلاصه فى الايه الكريمه

    عمر ما الانسان هيتغير طول ماهو مش عايز

    صدقنى لو هو مقتنع بذاته مش هيهمه حتى كلام اللى حواليه
    لان مجرد نجاحه هيخليهم هما اللى يسكتوا

    اتمنى كلنا يبقى عندنا امل وايمان بالله
    لان اعتقد دول اهم حاجتين ممكن تبنى شخصيه كويسه قوية

    ReplyDelete
  9. صباحك سكر يا تيمو

    اخيارك يارب تكون بالف خير
    و الله وحشتنى جدا ووحشنى احساسك ووموضوعاتك الرائعة

    عارف من العنوان كدا افتكرت جملة كانت بتترد فى فيلم لفؤاد المهندس لما كان عبد المنعم مدبولى دكتور نفسى و اسمه الدكتور خشبة لو تفتكر الفيلم دا
    كان بيعالج الراجل اللى متعقد من مشكلة قصره بانه يقول (( انا مش قصير قزعة ههههههه )
    الموضوع لازم يجى من جوانا احنا
    يعنى لو الانسان وثق فى قدراته و فى نفسه و حاول مرة واتنين و كان جواه امل هيقدر يحقق كل احلامه و اكتر
    و فعلا هيكون نفسه مش مجرد تابع بدون اى شخصية
    بس المهم اننا اللى نبدا و اكيد اكيد هنقدر

    تسلم ايدك الموضوع حلو بجد وانت كعادتك عرضته بشكل مميز
    دمت بالف خير و سعادة
    تحياتى
    يويو

    ReplyDelete
  10. كلامك 100 على 100 يا تامر

    معاك حق فى كل كلمة
    و تصويرك هنا ينطبق على ناس كتير جدا عاشت حياة النسر اللى فكر نفسه فرخة
    عاشت و ماتت من غير ما تعمل اى حاجة خالص


    يلا كلنا نفرد جناحاتنا و نطيييير
    و نسيب الفراخ و عششها

    ReplyDelete
  11. تامر
    كل سنه وانت طيب
    اخبارك ايه
    ياريت يا تامر نبص لنفسنا بايجابيه شويه ونعرف اننا جوانا قوه كبيره بس يا تامر صعبه الحياه بس كل اللى علينا اننا نحاول مره واتنين وتلاته
    بوست جميل ياتامر وفيه روح جميله

    ReplyDelete
  12. لو آمن النسر بنفسه

    ماعاش ومات بذل وجبن دجاجة

    دمت بخيررررر

    تحياتي.......

    ReplyDelete
  13. يا عيني علي النسر اة سوري يا عيني علي الدجاجة

    وحلوه الجملة الاخيرة

    ReplyDelete
  14. اخى العزيز تامر
    موضوع متميز ويدعوا للتأمل
    ليتنا جميعاً نشعر بأمكاناتنا وقدراتنا
    تقبل تحياتي
    محمـد البنا
    طريق النجاح

    ReplyDelete
  15. عزيزتي الفراشة الصغيرة

    اهلا بيكي في مدونة انسان عاشق حر

    انا بايدك في ان الانسان من جواه لو مقتنع بنفسه وبانه عنده طاقة مش هيبخل علي نفسه بانه يخرجها

    تحياتي
    تامر الحسيني
    انسان عاشق حر

    ReplyDelete
  16. عزيزتي يويو

    اهلا بيكي من جديد
    علي فكرة
    انا مش قصير قزعة
    ده برضه عنوان لبوست عندي في المدونة

    الاساس فعلا بيجي بالثقة في النفس
    ولذلك لازم كل واحد فينا يثق في نفسه
    وفي قدراته علشان يقدر يطور نفسه
    ويمشي في الطريق الصح الاي مش يخليه فرخة

    تحياتي
    تامر الحسيني
    انسان عاشق حر

    ReplyDelete
  17. عزيزتي عازفة الاوتار

    اهلا بيكي في المدونة
    بجد سعيد بتعليقك جدا

    لازم كل انسان يعيد اكتشاف نفسه ويحاول انه يطور منها وينيمها
    علشان زي ما قلتي
    محدش يعيش ويموت وهو فرخة

    تحياتي
    تامر الحسيني

    ReplyDelete
  18. عزيزي رومنسي
    اهلا بيك يا جميل واتمني ان البوست يكون عجبك

    تحياتي
    تامر الحسيني

    ReplyDelete
  19. عزيزتي صاحبة
    قلب ارهقه الحب

    اهلا بيكي في المدونة

    لو امن الانسان بنفسه

    لما اصبح يوما دجاجة

    تحياتي
    انسان عاشق حر

    ReplyDelete
  20. عزيزتي فرفشة الوان

    اهلا بيكي من جديد

    ههههههههههههههههه
    تعليقك بجد كوميدي اكيد فعلا النسر ده يصعب علي الواحد طبعا

    تحياتي
    انسان عاشق حر

    ReplyDelete
  21. عزيزتي محمد البنا

    اهلا بيك
    في المدونة واتمني ان البوست يكون عجبك
    في تصنيف التنمية البشرية

    اتمني كل انسان يشعر باهمية انه يبقي صاحب وجهة نظر ويقتنع بنفسه

    علشان يقدر يحقق كل احلامه

    تحياتي
    تامر الحسيني

    ReplyDelete
  22. جميله اوى...فعلا لازم نتحرك كلنا

    ادام الله قلمك..اسأل الله ان يجعل هذا اليوم قريب

    امل

    ReplyDelete

باضافة تعليق انت تساهم في اثراء الحوار
وتعرض وجهة نظرك التي سيستفيد منها الاخر
بالتاكيد