Tuesday, August 11, 2009

قل ياعين للناس أعين

أمر احد الملوك في زمان بعيد رجال السحر في مملكته بصنع مرأة سحرية
كل من يقف امامها لا يظهر شكله ولكن تظهر فقط عيوبه حتي يستطيع ان يري
عيوب الناس وداب السحرة في صنع هذه المراه العملاقة وتم وضعها في بهو الملك
وكل من جاء للملك يقف امامها ليري الملك عيوبه
لكن في احد الايام مر الملك امام المراه فراي الملك عيوبه ففزع من مما راي
فامر حراسه بكسر هذه المراه وتدميرها نهائيا
وبالفعل دمرت المراه وتحولت الي قطع زرات صغيرة سكنت عيون الناس فاصبح كل منا لا يري عيوبه ويري فقط عيوب الناس

انتقل رجل مع زوجته إلى منزل جديد
وفي صباح اليوم الأول
وبينما يتناولان وجبة الإفطار
قالت الزوجة مشيرة من خلف زجاج
النافذة المطلة على الحديقة المشتركة
بينهما وبين جيرانهما
انظر يا عزيزي
ان غسيل جارتنا ليس نظيفا ..
لا بد أنها تشتري مسحوقا رخيصا
ودأبت الزوجة على إلقاء نفس التعليق
في كل مرة ترى جارتها تنشر الغسيل
وبعد شهر اندهشت الزوجة
عندما رأت الغسيل نظيفا على حبال جارتها
وقالت لزوجها انظر ..
لقد تعلمت أخيرا كيف تغسل
فأجاب الزوج
عزيزتي لقد نهضت مبكرا هذا الصباح
ونظفت زجاج النافذة التي تنظرين منها ..!

قد تكون أخطائك هي التي تريك أعمال الناس خطأ.
فأصلح عيوبك قبل أن تنتقد عيوب الآخرين.

تخيل انك تضع شمعة امام مراه قد تتصور ان المراه هي مصدر الضوء رغم ان مصدره
هو الشمعة كذلك البشر
هناك من يقف مثل الشمعة وهناك من يقف مثل المراه
فالانعكاس اعتراف لا شعوري علي النفس البشرية اكثر منها اتهاما للغير
انظر الي اصابع يدك عندما تتهم الغير فان اصبع واحد يشير اليه وباقي اصابعك
تشير اليك انت
فعندما يحمل الانسان صفة سيئة فانه يتصور ان كل من حوله مثله فهو دائما يشير اليهم ويتهمهم
فمثلا نرى شخص خائن للامانه عندما يتقلد منصبا فانه يرى ان كل من يعمل
تحت امرته وللأسف خائن !!!
ولا يمكنه الوثوق به فتجده يحرص دوما و بشكل مبالغ فيه
على ان لايتقلد اي احد من الذين يعملون لديه أي سلطه حتى ولو كانت بسيطه
وكذلك نرى ان من يغش الناس يحسب ان كل الناس غشاشين مثله!!
ومن يكذب عليهم ايضا لايصدقهم مهما كانو صادقين معه !!

ما أحسب أحدا تفرغ لعيب الناس إلا من غفلة غفلها عن نفسه

وكما قال الامام الشافعي

فلا ينطـلـــق منــك اللسان بسوءة فكلك سوءات و للناس ألسن

و عينــك إن أبـدت إليــك معـايبــا فصنها وقل ياعين للناس أعين

7 comments:

  1. السلام عليكم :-
    طبعا كلامك ده يستحق فعلا الوقفه وفعلا انت اثارت موضوع غايه فى الاهميه كعادتك احنا بقينا فى زمن العجائب محدش بيشوف عيوبه كانه ملاك مفهوش عيوب مع انه اصلا مليان عيوب
    لو أبصر المرء عيوب نفسه لانشغل بها عن عيوب الناس كما العليل السقيم أشغل عن وجع الناس كلهم وجعه
    قبيح من الإنسان أن ينسى عيوبه ويذكر عيبا في أخيه قد اختفى
    ولو كان ذا عقل لما عاب غيره وفيه عيوب لو رآها قد اكتفى
    انا من وجهة نظرى ان الانسان اللى بيتكلم عن عيوب الاخرين هو اصلا شايف نفسه صغير جدا علشان كده بيضخم عيوب
    الناس
    إذا رأيتم الرجل موكّلا بعيوب الناس، ناسيا لعيوبه ـ فاعلموا أنه قد مكر به

    ReplyDelete
  2. حلو اووووى الموضوع دة
    كل واحد فينا للاسف مش بيشوف الا عيوب الناس ومش بيشوف عيوب نفسةوانا بشكرك يا تامر على موضوعك دة
    مع تحيات
    ملك الفؤاد

    ReplyDelete
  3. الله عليك يا تامر
    التنميه البشريه شئ جميل فى حياتنا وكويس جدا اننا نلاقى حد مهتم بيها
    كل واحد فينا مليان عيوب بس بيحاول يدارى عنها ومش بيظهرها وفعلا كل واحد جواه عيب بيقنع نفسه ان العيب دا عيب فى كل الناس اللى حوله
    بس فيها ايه لو الانسان حاول يعالج عيوبه

    ReplyDelete
  4. كان نفسى الحق اول تعليق

    يلا زى بعضه خلينى متواضعة واقبل رابع تعليق

    بجد موضوع جميل اوى يا تامر
    لكن هناك البعض يرون دائما عيوب نفسهم ويحسبون من حولهم ملائكة ثم يصدمون يوما تلو الاخر

    الصح ان الانسان يعرف ان مفيش انسان كامل وزى ما هو شايف الناس مليانة عيوب هو كمان مليان عيوب والمفروض يدعى ان الناس تستحمله ويحاول يصلح من نفسه

    تحياتى

    ايمى

    ReplyDelete
  5. اخى وصديقي / تامر الحسيني
    بجد بجد جامد الموضوع والقصص اللي فية تحفة وليها معانى كبيرة
    تقبل تحياتي على ابداعك
    محمد البنا
    طريق النجاح

    ReplyDelete
  6. :)
    جميل اوي الموضوع ده
    وتذكرة لينا كلنا ان مفيش حد كامل ولا فيه حد مثالي
    كلنا مليانيين عيوب
    لكن المطلوب ان كل واحد يحاول يصلح عيبه

    الموضوع فكرني بجملة الناس ساعات بيقولوها لبعض
    لما حد يقول للتاني انه انسان جميل
    يرد ويقوله ده عشان انت اللي جميل شايف اللي حواليك جمال زيك

    نفس الكلام في العيوب
    اللي فيه عيب
    متصور انه عند الناس كلها

    عجبتني اوي قصة الست اللي مش بتنضف الشباك بتاعها
    حلوة اوي

    كالعادة مواضيعك متميزة
    :)

    ReplyDelete
  7. صباحك سكر يا تيمو

    كل سنة وانت طيب
    رمضان كريم

    من اكبر عيوب الانسان ان يعتقد ان كل الناس تحمل نفس عيوبه
    وقد يعتقد انه كامل بلا خطيئة وكل منن حوله ممتلئين بالاخطاء
    مش حد فينا كامل او من غير اخطاء
    مش عيب اننا نعرف اخطائنا و نصلحها
    لو قدرنا نكون صادقين مع انفسنا
    هيكون فى نوع من الصدق و التسامح بين الناس

    اجمل مافى البوست اسلوبك البسيط يا تامر وطريقة الصياغة
    موضوعات التنمية البشرية مش سهلة لكن معاك بجد بتكون لها روح وكيان ممتع

    دمت دائما وابدا متألقا
    تحياتى
    يويو

    ReplyDelete

باضافة تعليق انت تساهم في اثراء الحوار
وتعرض وجهة نظرك التي سيستفيد منها الاخر
بالتاكيد