Wednesday, December 19, 2007

عيد سعيد

بسم الله الرحمن الرحيم

احبائي متابعي موضوعاتي ومكتشفي عالم انسان عاشق حر
كل سنه وانتم طيبين وكل عيد واحنا كلنا في حب وامن وسلام
ويارب السنه الجايه كل واحد منا يكون حقق احلامه وتطور من نفسه ومن امكانياته
وقرب اكتر بكتير من حبايبه والناس الاي بيحبهم ويحبوه
ويارب كل واحد منا السنه الجايه هنا ويدخل هنا ويقول عمل ايه السنه الاي فاتت
وحقق ايه هو سعيد بيه وانا هنا مستنيكم
ودلوقتي بقا يلا بينا نفرح ونغني ولاننا في العيد يلا نسمع كلنا اهلا بالعيد


كل سنه وانتم واحنا وكل المصريين والمسلمين بخير
ويارب اعيدنا كلها فرح وسعاده وحب

Tuesday, December 18, 2007

اكتشف الحب بداخلك



انا احترمك
انا مخلص لك
انا معجب بارائك
انا احتاجك معى
انت مميز جدا
انت رائع دائما فى نظرى
انا افضلك عن الآخرين
انا افضلك عن نفسى
اعتبرك احد افراد عائلتي
انا اخاف عليك
انا افتقدك دائما
تهمنى مصلحتك
أريد انا اراك دائما سعيدا
لا أحب أن أراك حزين
احب ان اساعدك فى كل شىء
انا موجود دائما عندما تحتاجنى
لا أحب أن اغضبك
اشعر بالسعاده وانت سعيد
يحزنى ما يحزنك
قربك يكفينى
انت فى تفكيرى دائما
باين عليه بــــ ولا ايه
أأنــــــــا أأحبــــــــــــــك
بحبك

انه الحب
الحب الذي يعيش قبله الانسان بلا حياه
ويعيش بعده الانسان بلا حياه لانه كل الحياه
لا يشعر باهمية الحب الا من شعر به فهو امتلاك للروح
ولهفه دائمه وشوق وحيره رعشه في اليد وبحه في الصوت
وعيون تدمع وقلب يرفرف كالطيور
الحب نور يخرجك من الظلمه وينير قلبك
ولانه كل ذلك نتحدث عنه
تحدثنا في موضوع سابق عن كيف تكتشف الحب في عيون من حولك
وساكمل حديثي بكيف تكتشف الحب بداخلك انت

ان اكتشاف الحب بداخلك شيء يعتمد بالاساس عليك
وعلي طبيعتك ولهاذا نجد تباين واضح بين المحبين
فهناك من يحب من النظره الاولي ويشعر من اول نظره انه غارق في عالم اخر
لم يكن يتوقعه
وهناك من يفضل ان يصعد درجات السلم الاعجاب والصداقه والاخوه والحب
وهناك من يكتشف انه يحب شخص ما عندما يفقده
لكن اكتشاف الحب رغم كل ذللك امر ليس بالسهل
لكن اذا اتبعت خطواتي التاليه ربما تكتشف الحب بداخلك

1- اغمض عينيك واستلقي علي سرير دافء
2- فكر في من تشعر معهم بالراحه ( بابا وماما واختي الصغيره واخي المشاكس
دائما ) من ايضا ؟
من حينما تكون حزين ترتاح وانت تتحدث معه
من يفهمك يقترب منك وتقترب منه تتحدثون لغات مختلفه
ورغم ذلك تتحد كلماتكم في النهايه
من يتمني لك الخير طوال الوقت ويتمني لك السعاده
من يقدر رايك ويتفاني في فهمه والتجاوب معه
من يحبك لذاتك وليس لاي شيء اخر

اذا وجدت اجابه في خيالك لهذا السؤال فانت اسعد انسان في الوجود
انك تحب

Friday, December 14, 2007

احوال المصريين في اخر عام 2007





خروف العيد ينتظر مصير ليس افضل من حال المصريين


معاناه المصريين من اجل البقاء حتي مع رغيف العيش

القاهره تنتظر واقعها الاسود

فتايات جامعة الازهر يحترقون والجامعه تتفرج

الطلاب يعتصموت من اجل زملائهم المعتقلين

الي متي يصبح كل دورنا مجرد حمل لافته

الدموع والشموع اخر ما لدينا لانقاذ ايمن نور


جنود الامن المركزي يحملون علم مصر علي اكتافهم ولا يعرفون
في اي عام كانت حرب 73


الاهلي يرفض التطبيع مع الاسماعيلي
فما هو الحال مع الزمالك


الصور بعدسة عمرو عبد الله

مسيرة الشموع

بسم الله الرحمن الرحيم

احبائي متاسف للغياب بس لظروف خارجه عن ارادتي بعدت عنكم شويه
واديني رجعت اهه لاني بيني وبينكم مستحملتش البعد
وكمان مستحملتش اني اقعد ساكت ومش احكيلكم علي الاي بيحصل في العالم
طبعا هتقولو لي ايه بيحصل في العالم حروب ودمار ومجاعات وزلازل
لا في كمان في العالم حريه وعداله طبعا العالم ده بعيد عننا حبتين
طبعا كلنا عارفين الرئيس الفرنسي السابق جاك شيراك
الرجل الاي تربع علي عرش فرنسا لسنوات طويله في دورتين متواليتين كان ممكن يرشح نفسه للثالثه والاخيره حسب الدستور الفرنسي لكنه رفض ذلك لانه لا يريد ان يكسر قلوب الفرنسيين
ويرشح نفسه ويفوز بالمره الثالثه ويصبح رئيسهم طوال 12 سنه
لاكن لانه احب ان يعطي فرصه لدماء جديده تنازل عن حقه في الترشيح
لكن الغريب ان هذا الرجل الان في فرنسا يحاكم الان بتهمه مش هتصدقوها
بتهمة انه عين واحد قريبه في منصب مهم قبل ما يتولي الرئاسه
وطبعا رفع عليه دعوه وتم تاجيل النظر فيها لحين انتهاء وظيفته كرئيس للدوله
حتي يتم النظر فيها
شفتو كده قبل كده متهيئلي مشفتوش
عارفين لو جاك شيراك هو رئيس مصر كان عمل ايه
مكنش حد جرا انه يوديه للقضاء بسبب تعيين موظف
وكمان لو حد اتجنن وعمالها فقدام الرئيس الاي عارف ان في محكمه مستنياه
بعد انتهاء الرئاسه الف وسيله ووسيله لانهاء الموضوع التافه ده
زي انه مثلا يغير القوانين او يختفي الاي وداه للقضاء
ويموت في ظروف غامضه الشهود او يعتقل ويعزب حتي يقر بانه الجاني
من يقول له غير ذلك وبعدين هو شيراك رئيس مصر هيوجع دماغه ليه
مش المفروض انه هيتحاكم لما يسيب الرئاسه طيب مين قال انه هيسيبها غير وهو
رايح علي القبر يبقوا يجو يحاكموه هناك بقا
طبعا انتو مستغربين من كلامي لا متستغربوش
ولو كنتم حضرتم المسيره الاي تمت بالشموع في ليل القاهره
بمناسبة مرور 3 سنوات علي سجن ايمن نور
الانسان المصري الشريف الاي كل تهمته وما اغربها انه زور 50 توقيع
لخمسين شخص مصري علشان يقدر يعمل الحزب بتاعه
يعني مين بالعقل يصدق ان انسان زي ده له شعبيه وملايين من المحبين والمؤيدين
عاجز عن جمع توقيعات 50 شخص فقط لانشاء حزب سياسي
وطبعا الموضوع لمن لا يعرفه ان في واحد تاني شاهد اسمه ايمن اسماعيل
الذي يتشابه اسمه مع اسم السيد ايمن نور اسماعيل
الرجل ده تم استغلاله لسجن ايمن نور وانهاء خطره علي نظام الحكم
والذي لا يعرفه الجميع ان ايمن اسماعيل ده بعد ادلائه بشهادته
رجع تاني وغير اقواله واعترف انه كان اداه حركها ناس تانيه
وكانت النتيجه انه يشنق نفسه في السجن
ان النظام المصري يا احبائي كالشاكوش يدق اول باول كل مسمار يظهر امامه علي
الطاوله ليصبح هو سيدها الاوحد لكن الان يتم جمع توقيعات الملايين للمطالبه
بحصول ايمن نور علي جائزة نوبل للسلام لعام 2008
حتي تكون وسيله للضغط علي النظام للتوقف عن تعزيب رمز مصر ايمن نور