Thursday, March 5, 2009

تاج رومنسي


يوما ما منذ عشر سنوات مضت وقفت ادنندن اغنية احبها جاء الي سمعي شخص بجواري يدنندن نفس الاغنية
هكذا كان لقائي الاول برومنسي
اكثر ما يعجبني في رومنسي انه انسان طيب واكثر ما كان غريب فينا سويا اننا لنا نفس الميول وقد اشتركنا سويا لسنوات مضت في حب الرومنسية التي جمعتنا سويا مع كاظم الساهر وكلمات اغنياته الساحرة وكتابة الشعر وسعيد انه رغم كل هذه السنوات استمرت صداقتنا وسعيد انه دخل عالم التدوين واكثر سعادة حين اقول انني عندما ادخل مدونته اشعر انني في عالمنا سويا فلقد صنعنا الرومنسية وحلمنا بها لسنوات وسنوات وسنوات مضت

لكن برضه الصداقة والاخوة دي هانت عليه وخلاني انا اول واحد يديله التاج تاج رومنسي طبعا عايز اخنقه اقصد اشنقه عفوا اقصد اشكره علي التاج الجميل وسعيد لما بلاقي المدونين بيتناقلوه بينهم انا هجاوب علي التاج بس انا حاسس انه واسع عليه قوي علشان كدة هجاوب بس علي اول سؤال فيه (وش بيضحك ضحكة شريرة) السؤال في اي العصور كنت تتمني ان تعيش؟ بصراحة انا في خمس عصور كنت اتمني اعيشهم انا عارف اني طماع قوي كدة بس انا فعلا اتمنيت اعيش الخمس عصور دول بيني وبين نفسي
العصر الاول
طبعا زي كل المدونين وكل المسلمين اتمنيت اعيش في العصر الاي شهد فجر الاسلام
عصر الرسول والخلافاء خاصة عصر الفاروق عمر
قد ايه العصر ده كان رائع والاسلام كان فيه في قمة مجده وشبابه واجمل الصفات الاي خلتني احب اعيش في العصر ده هو صفة العدل الاي للاسف بيشهد ازمة الان
واكبر دليل علي كدة ان واحد بقاله ثلاث سنوات متسبب في قتل اكتر من 1000 مصري
واخد برائة في اكبر فضيحة في تاريخ مصر الحديث
وواحد التاني مسجون بقاله اربع سنين علشان اتهموم انه زرو توقيعات خمسين مصري
علشان ينشيء حزبه السياسي الراجل الاي لو قال عايز ناس توقع هيلاقي ملايين
مؤمنين بفكره وبقدرته علي التغيير وواقفين وراه
وده ابسط مثال عن العدل في مصر





العصر الثاني
ناس كتير قوي ممكن تستغرب لما اقول ان العصر التاني هو عصر روايات الاديب العالمي
تشارلز دكنز فعلا انا كنت اتمني اعيش في لندن في اول عصر الامبراطورية الانجليزية
ياه العصر ده رائع لو حد فيكم متابع للعصر ده هيعرف انا اقصد ايه
واكثر حاجة شدتني للعصر ده هو النبل قد ايه عندهم كان في احترام كبير قوي
ونبل في التعامل بين الناس خاصة بين اوصات العائلات الكبيرة
اتمني اني اعيش في العصر ده واقعد الساعة الخامسة اشرب الشاي
في جلسة مع احد اصدقائي في العصر ده وهو بيحكيلي عن الثقافة والمجتمع الانجليزي







العصر الثالث
طبعا انا عمال اوديكم واجبكم انا نفسي ارجع لعصر رائع قريب مش بعيد
ياه لو يرجع بيه الزمن خطوة لعصر عبد الحليم والقي نفسي قاعد في حفلة عيد الحب في السبعينات وبسمع اغنية رسالة من تحت الماء
بجد انا بحسد بابا لانه حضر حفلة رسالة من تحت الماء وسمع موسيقاها لاول مرة
ياه لو فعلا نفسك تعيش عالم مختلف اسمع موسيقي بداية اغنية فاتت جنبنا
موسيقي البداية هتحس انك عايش علي جزيرة وقت الغروب وبينزل عليك من السماء فقاعات ماء وعلي خدك الساخن بتنزل فقاعة علشان تنتحر علي خدك وتولد جواك رعشة استمتاع





العصر الرابع
برضه وقت السبعينات بس مش في مصر في باريس بلد النور وبرج ايفل ونجوم الليل
والشموع والعطور وانا قاعد في مكان رومنسي بيطل علي برج ايفل وبسمع موسيقي
فرنسية قديمة ومعايا حبيبة جميلة وانا بقولها اجمل كلام الحب وهي بسحر عجيب
بترد علي حبي بحب اكبر واجمل





العصر الخامس
العصر ده لسة مش ليه وجود لانه لسة في المستقبل نفسي اعيش المستقبل
دلوقتي واشوف هبقي فيه اذاي هفضل اكتب في المدونة ولا لا
هيبقي شكل اسرتي اذاي وهتتحقق احلامي ولا لا
بس اوعدكم لو لاقيت انها متحققتش هفضل احاول احققها
نفسي كمان وانا في المستقبل اشوف التكنولوجيا وصلت لايه
ومصر لسة علي حالها ولا حصلت المعجزة واتغيرنا للافضل
واخبار مفاوضات السلام مع اسرائيل ايه ووصلنا لكام اتفاق جديد بدون جدوي


اقلكم علي حاجة بلاش نتمني العصر ده تعالو كلنا نصنعه ونشارك فيه
ومنبقاش علي الهامش

18 comments:

  1. اول تعليق محجججججججججججججججوز

    واخد بالك يا رومنسي
    المرة الاي فاتت كنت لمم هدومك وقاعد علي بابا المدونة مستني اول تعليق

    انا بعلني اني اكتسحتك وحجزت اول تعليق

    الساعة 4 الفجر

    انا كدة

    ReplyDelete
  2. وتاني تعليق كمان محجوز


    ل
    انا كدة

    ReplyDelete
  3. والتالت كمان

    علشان رومنسي يعتزل حجز اول تعليق خالص

    ReplyDelete
  4. تحياتى ليك يا تامر
    وربنا يخليكو لبعض

    انت ورومانسى قلب فى جسدين

    تحياتى ليكو بدوام المحبة والاخوة يا اعز اصدقاء

    شخابيط mahgoub

    ReplyDelete
  5. انا كده

    خامس تعليق

    ل

    رومانسى

    انا ولا يهمنى

    علشان مره يعنى حجزتى اول تعليق

    انما بقى متعرفش تامر قدى

    ReplyDelete
  6. اخى وصديقى وروحى تامر

    رجعتنى لعشر سنين رجعتنتى لما كنت بنسرح سوا فى عالمنا الاى اتمناه
    رجعتنى ايام كتابه الشعر المشترك بينا
    بس فاكر اغنيه ايه اللى كنا بنغنيها
    إني خيرتك فاختاري
    ما بين الموت على صدري
    أو فوق دفاتر أشعاري

    حتى فكرنا يومها نكتب شعر يرد عن المراه دى
    فاكر مطلعه
    اخترتك انت
    وعلى صدرك انت
    اموت واحيا

    بجد يا تامر
    انتى اسعدتنى جدا انت حتى جاوبت على اول سؤال
    حلليت الواقع كله فى كلمتين

    ربنا يخليك ليا يا جميل
    ويحقق احلامك واحلامنا

    ReplyDelete
  7. بلاش نتمني العصر ده تعالو كلنا نصنعه ونشارك فيه
    ومنبقاش علي الهامش
    أنا معاك فى دى

    ReplyDelete
  8. ايه ده الكلام ده كله لرومنسى لوحده ياعينى ياعينى

    ربنا يخليكم لبعض وتفضلوا اصدقاء طول العمر

    بس انا مبحبش الكروتة دى وبنطالب بحل باقى التاج البوست الجاى

    بجد اول عصر واخر عصر والعصر بتاع برج ايفيل مع حبيبتك دوووووووووول عجبونى جداااا

    تحياتى

    ايمى

    ReplyDelete
  9. جميل اوى اوى ياتامر البوست ده جميله العصور دى والاجمل اننا نتمنى نصنع عصر اجمل والاجمل من كل ده هو الحب والصداقه والاخوه بينك وبين رومنسى ربنا يخليكم لبعض ويديم الحب الجميل دا بينكم

    ReplyDelete
  10. عزيزي تامر

    انا سعيد جدا بالبوست ده
    ومعجب قوي بالخيالك الجميل
    واحلامك عن عصر حليم وشارلز دكنز وبرج ايفل بجد احلام رائعة قوي
    واضح فيها انك انسان خيالي جدا وعندك قدرة علي التخيل كبيرة

    وانا من الناس الاي بيحبوا يعيشوا في الخيال بس برضه انت قلت حاجة مهمة
    اننا لازم نبقي ايجابيين ونبني لمستقبلنا
    وده شيء كويس
    وبيدي امل في بكرة

    انا كدة

    ReplyDelete
  11. انا بقي كان نفسي اعيش في عصر
    اللي هو كان الواحدفيه بيسرق وينهب براحته
    ومحدش بيحاسبه
    وكمان اللي هو ياخد الفلوس بتاع البنوك ويهرب بره مصر ومحدش يسال
    واللي الواحد ينهب فيه البلد ومفيش حد يسأل
    يعني اللي احنا فيه ده
    بس دا عشان انا حرامي
    اما لو اي انسان عادي
    ف اي عصر غير ده وخلااااص

    ReplyDelete
  12. اولا ازيك يا تامر

    كل سنة وانت بخير

    انت عارف لم استغرب من اختياراتك


    اولا لأن كلنا اتمنينا نعيش فى عهد نبينا

    ثانيا حبك لديكنز اللى عرفينه

    ثالثا عشقك للرومانسية

    وما اجمل باريس ورومنسياتها

    عبدالحليم

    وحبك وحبنا ليه

    وكمان كلنا بنتمنى نشوف الحاضر بس

    ياترى هيبقى سعيد ولا

    المهم ربنا يسعدك ويوفقك

    ويديم عليك الصداقة انتى ورومنسى

    smilyrose

    روح الحب الصادق

    ReplyDelete
  13. بجد انت شبه رومنسى كتير

    انا كنت دايما بقوله ايه الخيال ده
    اتاريك انت اكتر منه

    ربنا يخليكم لبعض
    وتعيش دايما فى احلام
    وتقدروا تحققوها

    ReplyDelete
  14. طبعا انت ذكرت اجمل عصور فعلا

    تاج اجابته كانت مميزه

    تحياتي

    ReplyDelete
  15. الاخت العزيزة . smilyrose
    السلام عليكم ورحمة الله وبركاته
    فى يوم ميلاد المصطفى صلى الله عليه وسلم ادعو الله لى ولك بالخير ولجميع اهلك ومن تحبين
    وكل عام وانتم فى سعادة وسرور
    لك تحياتى والسلام عليكم ، ولا سلام مع اليهود

    ReplyDelete
  16. ايه ياخويا الغلب ده
    دخت لحد مالقيت لينك التعليقات بتاعك
    ماتوضحوه بقى حولتونى
    الله
    صبرنى عليهم يارب

    نتكلم جد بقى
    مبسوطه بعلاقتكوا جدا
    واضح انك حد هادى
    ربنا يديم عليكوا الود يارب
    سلاااااام

    ReplyDelete
  17. اشوف وشك على خير يا تيمو

    انا بكتبلك وانا طالع على المطار
    كل عام وانت طيب
    تحياتى ليك بدوام التوفيق

    شخابيط mahgoub

    ReplyDelete
  18. شركة مكافحة الحشرات ورش المبيدات
    شركة كشف تسربات المياه بالنعيرية
    كشف تسربات المياه بسيهات
    شركة كشف تسربات المياه بالقطيف
    كشف تسربات المياه بالقصيم
    شركة كشف تسربات المياه بالخبر
    شركة كشف تسربات المياه بالجبيل
    شركة كشف تسربات المياه بالجبيل
    شركه عزل مائى بالدمام
    شركه عزل حرارى بالدمام
    شركه عزل مائي وحرارى بالدمام
    شركه صيانة بالدمام
    شركه ترميم بالدمام
    شركه تسليك مجارى بالدمام
    شركة تسليك مجارى بالدمام
    شركه كشف تسربات المياه بالدمام
    شركه كشف تسربات المياه بالدمام
    شركة كشف تسربات المياه بالدمام
    شركة كشف تسربات المياه بالدمام
    شركة مكافحة النمل الابيض بالدمام
    كشف تسربات المياه بالدمام للحجز 0530464144
    شركة ترميم المنازل بالدمام
    شركة رش مبيدات بالدمام
    أفضل شركة نظافة بالدمام
    شركة رش مبيدات بالدمام
    نقل عفش
    شركة عزل اسطح بالدمام
    شركة عزل اسطح بالدمام
    ترميم منازل
    شركه كشف تسربات المياه بالرياض
    كشف تسربات المياه بالرياض
    شركه عزل اسطح بالرياض
    شركه تسليك مجارى بالرياض
    شركة مكافحة حشرات بالرياض

    ReplyDelete

باضافة تعليق انت تساهم في اثراء الحوار
وتعرض وجهة نظرك التي سيستفيد منها الاخر
بالتاكيد