Sunday, November 11, 2007

فقط دقيقه واحده



نزلت الي الدنيا وانت تبكي
شعرت بهم حولك
شعرت بحضن دافء كان لامك
سمعت اصوات الناس من حولك
ولغتهم الجديده عليك
وفتحت عينيك للمره الاولي لتري العالم
لكن لم تراه !!!!
تسمع عن الوان الطيف
ولا تري الا لون واحد الاسود
انت اعمي نزلت للدنيا دون ان تعي معنا للون
ولا قيم للشكل
كل من حولك اصوات تسمعها ولا تري من صاحبها
وتمر السنوات وتمضي الايام
ويصبح عمرك كعمري الان
وبعد ان رضيت بحالك وقدرك
رجعت لتطلب من الله شيء واحدا
ان تري لدقيقه واحده
فقط دقيقه واحده
وتعود كما كنت
هل لك ان تخبرني يا من تقراء كلاماتي الان
لو انت مكان هذا الانسان
من ستكون حريصا ان تراه وتري فيه العالم والحياه ولو لدقيقه واحده
اجابتكم هي التي ستخلق الموضوع
فاجعل اجابتك تعبر عنك


20 comments:

  1. This comment has been removed by a blog administrator.

    ReplyDelete
  2. عفوا
    تم الغاء التعليق الخاص بي Cresce
    لانه كان يحوي مواد اعلانيه
    وهذا غير مقبل علي الاطلاق

    تامر الحسيني

    ReplyDelete
  3. انتا كده بتهزني قوي يا تامر
    قعدت افكر كتير قوي
    في السؤال ده
    لكن انا بفكر اني ممكن لو اتيح ليه في الدقيقه دي
    الوحيده
    اشوف وجه والدي الله يرحمه لاني زي ما انت عارف حرمت منه وفقدته بشده وفقدت وجوده معايافي حياتي
    نفسي اشوفه قوي ولو دقيقه

    ReplyDelete
  4. انا حاولت الاجابه لكن معرفتش
    مش عارفه اختار ايه ده شيء صعب اوي
    دقيقه واحده قليله قوي
    انت بقيت بخيل يا مستر علي فكره
    معرفناش عنك كده
    ايه رايك اني نفسي في الدقيقه دي اشوفك علشان اسئلك تخليها ساعه كامله
    علشان اشوف كل الاي بحبهم فيها

    هههههههههههه

    ReplyDelete
  5. فكره جميله قوي يا تامر
    بجد انا حسيت قوي الاحساس ده
    لما اتمنيت ان امي الله يرحمها ترجع
    للدنيا وتشوف اريج وروان
    بناتي
    ولو عندي دقيقه بس اشوف بيها الدنيا
    احب اشوف الدنيا في عيون
    امي وزوجتي وبناتي
    هما اجمل حاجه في حياتي

    ابو اريج

    ReplyDelete
  6. الشخص الوحيد اللى حكون نفسى انى اشوف ملامحه ولو لدقيقه
    هو الشخص اللى شفت على اديه النور كان بعنيه شفت الدنيا وباحساسه حسيتها وبجمال مشاعره ملى قلبى فرحه فىالدقيقه دى الحاجه الوحيده اللى حتمناها هى انى اشوفه لان وقتها نظره عنيا حتشرحله اللى عاجز لسانى انه يعبر عنه من حب لشخصه وقت ما يشوف تظره الشوق جوه عنيا حيحس المشاعر اللى جوايا
    امنيتى انى اشوف حبيب عمرى

    ReplyDelete
  7. اخي العزيز رمنسي
    والدك عايش جواك
    يا احمد
    وانا بحس بكده
    طول الوقت
    وبحسه وانت مسؤل عن الاسره بكاملها كاب ليها وكمسؤل عنها

    ربنا يوفقك وينور طريقك بالحب

    ReplyDelete
  8. عزيزتي ياسمينا

    هههههههههههههه
    انتي كده هتضيعي الدقيقه كلها مع واحد زيي
    علشان تقنعيه يخليهم ساعه
    وهتبقي كده خسرتي الدقيقه لانه مش هيرضي يبقو ساعه
    وان كنتي مش تعرفي عني البخل
    انا كمان معرفش عنك الطمع

    هههههههههههههههه

    ReplyDelete
  9. اخي العزيز ابو اريج

    انت اخترت بجد اجمل اختيار
    مفيش اجمل من الدنيا في عيون حبايبك

    ربنا يرب يفرحك بيهم

    ReplyDelete
  10. عزيزتي ضي القمر

    هكذا المحبين طماعين
    لا يكفيهم الدنيا
    ولا يرونها الا في عيون من يحبون
    ربنا يسعدك بالانسان الاي بتحبيه
    ويابخته بالحب ده

    ReplyDelete
  11. ربنا يخليك يا تامر ويديم صداقتنا
    انتي بجد انسان جميل قوي
    في اكتر وقت بتعاني فيه
    بلاقيك واقف قوي وعمر ما حسيت فيك ضعف
    ابدا رغم ان الاي عندك كفايه قوي
    علشان الانسان يتحطم
    مش يبقا بالقوه والصبر والايمان ده

    ربنا يوفقك يا حبيبي

    ReplyDelete
  12. اسفة اتأخرت في الرد
    بس لو دقيقة واحدة
    اتمنى اعيشها وانا بشوف عيون حبيبي

    ReplyDelete
  13. اسفه اتأخرت فى الرد بس لو لحظة اتيحت لى مش دقيقه هتمنى انى اشوف حبيب عمرى ومنى قلبى الذى طالما تمنيت من الله ان اجده امامى ولو للحظة واحدة حتى اراه واطمئن عليه واضمه الى قلبى حتى يحس بنار حبه وشوقى اليه ويرى ما لم استطع ان اعبر له به عن حبى له

    ReplyDelete
  14. على فكرة يا استاذ تامر وحشنى موضوعاتك جدا وكنت فى فترة بعد بس الحمد لله رجعت ونفسى اشوفك

    ReplyDelete
  15. This comment has been removed by a blog administrator.

    ReplyDelete
  16. عزيزتي الغاليه
    lovly girl
    اهلا بيكي من جديد
    وبالتاكيد ان عيون الحبيب شيء مهم قوي
    انك تشوفي فيه الدنيا
    كلها واكيد الحب ده حب صادق لانه بيحيمل مشاعر عاليه جدا
    اتمني ليكي التوفيق
    وكمان اتمني تتابعي ويتابع الجميع
    التعليق النهائي علي الموضوع ده

    ReplyDelete
  17. عزيزي tamer
    يبدو انك عاشق جدا
    فكلامك ملتهب جدا ومليء بالنيران والحراره الشديده
    اتمني ليك السعاده واتكمني ان احبابك ميتحرقوش بنارك دي
    هههههههههههههههههههههه
    ربنا يوفقك يا جميل

    ReplyDelete
  18. على فكرة يا استاذ تامر عمر ما نار الحب تحرق أحبابها لأنها نار دافئة تطمئن قلب من يحب على حبيبه فأرجوك لا تسخر من تامر الذى قلت له هذا الكلام لأنى احسست انه عاشق ومحب من كل قلبه وهذا شئ نادر فى زماننا هذا

    ReplyDelete
  19. استاذ تامر ارسلت لى احدى صديقاتى رسالة ولم استطع الإجابه عليها لأننى أؤمن ببعض الاشيا ءفهل تستطيع الإجابة
    الرسالة كان مضمونها كالتالى
    ما هو الحب ؟
    هل هو انتصار للقلب ام هزيمة للعقل
    هل هو بداية ابتسامة ام مقدمة للدموع
    هل هو ثقة ام شك
    هل هو راحة ام تعب
    هل هو كالقبلة يقتسمها اثنين ام كالعمر لا يقبل القسمة على اثنين

    ارجو الاجابة لأمر هام

    ReplyDelete
  20. الاجابه في موضوع قادم ان شاء الله

    ReplyDelete

باضافة تعليق انت تساهم في اثراء الحوار
وتعرض وجهة نظرك التي سيستفيد منها الاخر
بالتاكيد