Friday, June 12, 2009

الزوجة الصينية

هل تشعر برغبة ملحة للزواج؟
هل تعاني من عدم امتلاكك لتكاليف الزواج الباهظة؟
هل تقدم بك العمر ومبقتش قادر خلاص؟

البلحة بتقدملك الحل
الزوجة الصينية

الزوجة الصينية صغيرة الحجم سهلة الاستخدام
الزوجة الصينية قليلة الاستهلاك لقلة معدتها
الزوجة الصينية يمكنك وضعها في اي مكان
الزوجة الصينية زات جلد ناعم وشعر وشعر مفرود
ومع المفاجئة
الزوجة الصينية مزودة برموت للتحكم واغلاق الصوت لتتكلم وانت لا تسمعها اطلاقا
هذا بالاضافة لامكانية برمجتها علي الكلام الالي حاضر نعم الاي تشوفه
مع خاصية مانع النكد والذن
وقطع غيارها متوفرة في السوبر ماركت
كما تقدم البلحة ضمان 10 سنوات
كل ذلك بسعر بسيط فقط 1000 جنيه زائد مصاريف الشحن
واذا اتصلت الان ستحصل مع الزوجة الصينية خلاط مالتي اوبشن
كل مشاكلك انتهت مع الزوجة الصينية

الزوجة الصينية وجوازتك علية





طبعا كل الاي هيقرا الاعلان ده او يشوفه فيديو هيفتكر ان دي نكتة
احب ابشركم الحمد لله مش نكتة ولا حاجة
ولو مش مصدق جرب تروح لحد السفارة الصينية في القاهرة
وهتشوف بنفسك ان الصينيين مش بس سيطروا علي سوق السلع والمنتجات
لا كمان سوق العرايس والزوجات
واجمل مميزات الزوجة الصينية انها عملية من يوم الصباحية ممكن تنزلها تشتغل عادي
يعني عمرك معاها مهتخسر حاجة
وطبعا في قصص نجاح وتجارب لناس منهم واحد قال لي صديق عليه
اسمه ابو بكر متزوج اربع سيدات صينايت
وطبعا وظيفته الوحيدة انه يقعد في البيت زي الملك وهما يشتغلو ويرجعوا له شايلين ومحملين
ههههههههههههههههههه
يعني مش بس زوجة لا كمان مصدر دخل كمان
انا متاكد ان ناس كتير دلوقتي هتبدا تفكر في الحل ده قريب لكل مشاكلها
بس بجد الاي صعبانين عالية (وجه كله خبث) بنات مصر الغلابة
الاي هيعنسوا بسبب العولمة والغزو الصيني
ومش بعيد انهم يموتو بحسرتهم قريبا

ربنا معاهم




Posted by

19 comments:

  1. romansyJun 12, 2009, 6:16:00 PM

    اول تعليق
    ل

    رومانسى

    ReplyDelete
  2. romansyJun 12, 2009, 6:19:00 PM

    انا عايز من دا يا حزمبل انا عايز من دا
    وكتر شويه على قد ما تقدر
    بس عاوز الكتالوج بقى
    علشان اظبط الاوبشن اللى عاوزه

    ReplyDelete
  3. romansyJun 12, 2009, 6:21:00 PM

    تامر
    شوفى كده كام لون
    انا عاوز الابيض والقمحى
    والسمرا
    بس انا عاوز ريموت واحد علشان التكلفه
    وابقى اعملى ديسكوند

    ReplyDelete
  4. romansyJun 12, 2009, 6:26:00 PM

    الله يكون فى عون كل بنات مصر العساسيل
    يا تامر
    بس بقولك ايه
    برضوا مفيش احلى من المصرى
    بس بردوا
    ليه ميكنش شعارنا
    ليه تدفع اكتر ممكن تدفع اقل

    ReplyDelete
  5. سفروتةJun 12, 2009, 8:03:00 PM

    هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

    طب الصيني اللي نازل مصر غير الصيني بتاع امريكا؟؟

    اصل الصينيين دول عفاريت
    تلاقي اللي نازلين مصر يدوب اول اسبوع شغل من نار وبعد كده تسلمهم استمارة ستة

    كوشي هاشا مينو ساتا

    لالالالالالالالالالالا ما تخدش في بالك ده الكلام اللي هتبرطم بيه لما تاخد الاستمارة

    :)))))

    بس وحياتك لو لقيت نوع كويس ابقي ابعتلنا عينة للملكة عشان عندنا عجز في السفاريت اليومين دول

    اه وقطع غيار لجنابي من فضلك
    :))

    ReplyDelete
  6. نهر الحبJun 12, 2009, 8:13:00 PM

    هههههههههههههههههههه
    حلوة قوى الحكاية ديه ومريحة بالنسبة للشباب بس برده البنات المصريات لا يعلا عليهن ولا تقولى صينيات ولا حلل ولا أطباق

    ReplyDelete
  7. عمرو وجيهJun 12, 2009, 8:50:00 PM

    هههههههههههههههههههههههه



    لذيذ اوي البوست ده


    بجــــــــــــد بجـــــــــــد


    السوق المصري في الجواز مش مظبوط

    خصوصا بعد الأزمة العالمية


    الراجل لسه هيجهز و يفرش ويشبك

    شوف ده هيكلف كام


    فطبعا كله بيسترخص



    ههههههههههههههه




    بص يا تامر انا عندي واحد صاحبي اتجوز 4 صينيات

    وخد عليهم واحدة فلبينية هدية

    ههههههههه

    ReplyDelete
  8. KiaraJun 12, 2009, 9:39:00 PM

    عندي الاعلان دا في الموبايل من زماااااااان

    وكل اللي اورهوله يموت من الضحك

    ReplyDelete
  9. وردشان smilyroseJun 12, 2009, 9:43:00 PM

    السلام عليكم

    اخبارك اخى ارجو ان تكون بخير

    اتعلم اننى ابتسمت كثيرا من هذا الاعلان

    رغم اسفى الشديد على ما آل اليه اقتصادنا
    فاين نحن من هؤلاء

    فاضل يوردو لينا بشر يعيش فيها غيرنا

    بس ياريت نحود على الهند

    يعنى تغيييير

    هههههههههههه

    smilyrose

    وردشان

    روح الحب الصادق

    ReplyDelete
  10. وردشان smilyroseJun 12, 2009, 9:47:00 PM

    كيارا

    ابعتيه بلتوث

    هههههههههههههه

    ReplyDelete
  11. قلب ارهقته الاحلامJun 12, 2009, 11:40:00 PM

    هههههههههههههههه

    بس ربنا يستر عليكوا

    مقالوش موقفها ايه من الكسر ^^

    تحياتي ,,,

    ReplyDelete
  12. سفروتةJun 13, 2009, 12:53:00 AM

    اه نسيت ادلي بتصريح هام جداااااااااااا

    الهيد بتاع المدونة رااااااااااااااااااااااااااااااااااااائع

    ReplyDelete
  13. شمس النهارJun 13, 2009, 1:10:00 AM

    اول من بشر بالموضوع ده انا
    من كتر غزو الصين لبيوتنا كنت اقول مش فاضل غير ان كل رجل يدخل علي مامته بعروسه صينيه بدل مايدخل عليها ببطيخه
    واهو النبؤه اتحققت

    بس في مشكله انها لو دعت علي العريس والا شتمته بالصيني هيعمل ايه:)

    ReplyDelete
  14. yoyoJun 13, 2009, 5:42:00 AM

    صباحك سكر

    بس يا عينى الصينى حتى الان مش اثبت كفاءة نهائى
    هو كبيره شهرة وبعجها تقدر تقول انا جدع
    ههههههههههههههههه
    اكتر من كدا يبقى خدعوك فقالوا يا عزيزى
    و بعدين يعنى صينى خلاص اللغات ماشية مع الرجالة المصريين يعنى ولا هيقضوها اشارات بقى
    ههههههههههههه
    قال صينى قال
    هو فى زى بنات مصر اتحداك و الله
    حاجة كدا ربانى خفة دم و جمال
    مش تقولى صينى
    خلى الطابق مستور بقى
    ربنا امر بالستر واحنا بردوا عندنا ولاية
    هما يعنى الرجالة المصريين مشاء الله يعنى
    يا لهوى يا لهووووووووووووووى على الفضايح
    يووووووووووووووووووووووووووووووووه
    ههههههههههههههههههههههههه

    ماهو الصديق اللى مش قدر على الاصلى قال العب فى المضروب بقى على اده
    مش اخد صنع بلاده
    امال فين الحملة القومية المعلمية اللى مش عارفة ايه لتشجيع
    منتجات بلدك
    توء توء توء توء توء
    رجالة خونة و الله
    ختاما بقى على راى جدتك وجدتى
    ((( اللى اخدته القرعة تاخده ام الشعور )))
    و على راى انا بقى ( احنا الجداد معليش )
    ((( اللى اخدته المصرية تاخده الصينية يا عنيا )))
    ههههههههههههههههههههههههههههههه

    هما مين دول اللى يموتوا بحسرتهم يا سبحان الله
    معليش معليش
    بردوا احنا الاصل
    ههههههههههههههه

    بلاش اعلان حروب يا تيمو وانا بقول تيمو غلبان
    يطلع منك كل دا

    ماشى ماشى
    تحياتى
    يويو

    ReplyDelete
  15. MaNoOoShJun 13, 2009, 7:33:00 AM

    This comment has been removed by the author.

    ReplyDelete
  16. MaNoOoShJun 13, 2009, 7:33:00 AM

    لالالالالالالا

    تيجي طعنة كدة من مصري فى بنات بلده

    لالالالالا

    طب ابقوا خللوا الصيني ينفعكوا بقى
    هو كبيره اسبوع ويبوظ
    ومش هتلاقوا قطع غيار


    دة غير انكوا لو اتشتمتوا بالصيني مش هتفهموا حاجة


    طاااااااااااااايب
    بس احنا ولا يهمنا على فكرة
    هنروح نستورد رجالة صيني احنا كمان
    ههههههههههههههههه


    البوست جميل خالص على فكرة
    تحياتي

    ReplyDelete
  17. MOHAMMED ELBANNAJun 13, 2009, 2:01:00 PM

    اخى العزيز تامر
    بوست جميل ومرح جداً
    وفعلاً الصين غزت السوق في كل حاجه حتى السبح والبخوروسجاجيد الصلاه
    ولكن متقلقش بنات مصر لسه محتفظين بمكانتهم بين نساء العالم وميتخفش عليهم
    ربنا يرزقنا ويرزقك بالزوجه الاصيله والاصليه ومتكنش
    MADE IN CHINA
    تقبل تحياتي
    اخوك / محمد البنا
    طريق النجاح

    ReplyDelete
  18. kmtJun 13, 2009, 4:29:00 PM

    السلام عليكم ورحمة الله وبركاته

    زوجة صينيه
    اوفر

    الموضوع طعمة كوميدي
    لكن هي كوديا سوداء

    للاسف اننا يكون مفهوم الزواج عندنا يبقى مادة وبس ومكسب ولا خسارة

    بس اظن ان بنات مصر اللي بيفهم منهم مش هايكونوا خسرانين لان الزواج اللي قايم على المكسب والخسارة المادية مش زواج دا سخرة
    :D

    تحياتي
    الى اللقاء

    ReplyDelete
  19. kmtJun 13, 2009, 4:31:00 PM

    نسيت اقولك
    جو البوستات اليومين دول عندك
    حلو
    في روح احلى
    متفاءلة اظن او بتحاول تبعد عن السلبية والحزن اتمنى اني اكون اصابت
    :D
    تحياتي
    الى اللقاء

    ReplyDelete

باضافة تعليق انت تساهم في اثراء الحوار
وتعرض وجهة نظرك التي سيستفيد منها الاخر
بالتاكيد

Subscribe to: Post Comments (Atom)