Saturday, April 4, 2009

أنتهيتي من حياتي




انتهيتي من حياتي لا تفكري بالمجيء ما بقالي حل ثاني انا من حبك بريء

تعيش تحلم تتمني تتخيل تتشكل احلامك امام عينيك
يذوب قلبك من الحب وترتعش يداك من اللهفة
تحلم الف الف مرة وتتمني الف الف مرة كل مرة
بطعم احلي وحب اقوي وشوق اكبر وضعف اكتر
تعيش الحلم كئنه حقيقة حياتك تغمض عينيك علي حلمك الجميل
وتقوم علي حقيقة مؤلمة هكذا حياة المعزبين علي هذا العالم
من عاشون سنوات عمرهم في انتظار لحظة صدق
في انتظار لحظة حب في انتظار الدفء والحنان وكل المعاني
التي حرموها علي انفسهم سنوات وسنوات
وجاء الحب لكنه ابي ان ياتي منفردا جائت معه كل معاني الهزيمة والضياع
وعاد المشرد من جديد لدنيا التشرد التي اكتوي من نارها لسنوات
اسمحوا لي ان اتلقي واجب العزاء في الحب
فلم يعد له قيمة ولم يعد له معني
استسلم لواقعك المولم
اليوم كالامس كالغد
دور في الساقية التي تعودت ان تدور فيها
انسي الامل
انسي الحلم
انسي الحب
فكلها معاني لم تعد متاحة حاليا
ولا تحاول تكرار المحاولة مرة اخري
فالمحاولة لا تعني سوي المزيد من الالم





مستني ايه امشي
الحلم منفعشي
فوق من خيالك فوق
انسا بقا وامشي
اقفل علي قلبك كفايه تجرحه
وتعلقه بحبال اماني تطوحه
من النهارده الحلم
مش هيفرحه
ارجوك متحلمشي
متحلمشي

22 comments:

  1. عزيزى تامر الحب هو الحب فى كل زمان واى وقت فالحب هو الذى يخلق الامل والحلم واستمرار الحياه قد يالمنا ويجرحنا وقد يعذبنا ولكن عذابنا والامنا بدونه اكبر فانا اختلف معك لاحياه بدون حب وليست ادعاءات او اكاذيب انها حقائق يشهد عليها الزمان زماننا وقبل زماننا ومن سياتى بعدنا حقا صعبه الحياه ولكن اجمل مافيها وبارقه الامل الوحيده هى الحب فلندعه يشرق الى حياتنا ويملائها امل وتفاؤل

    ReplyDelete
  2. لا تظن ان الحب يموت فبالرغم من هشاشته فهو يدوم طويلا
    استيقظ وأزح الغبار عن قلبك ولا تيأس فجر طاقات الخير في داخلك
    فهناك شخص حولك بالتأكيد يحتاج لان يعرف قيمته لديك

    ReplyDelete
  3. الله
    انت فاكر الاغنيه دى
    جميله قوى يا تامر
    اغانى كاظم لسه جوانا برضه
    بس هرد عليك واقولك
    الحب مواجهه كبرى ابحار ضد التيار
    لا توجد منطقه وسطى ما بين الجنه والنار
    ربنا معاك يا تامر
    انا عارف ان الجرح مش سهل يتداوى
    بس انت هتقدر ان شاء الله
    يامه ظروف قاسيه عدت عليك وعليا
    والحمد لله

    ReplyDelete
  4. معقول يا تامر
    الالام والحب يتحولوا ياس بالسهوله دى
    تامر
    القلب الابيض دايا هيفضل ابيض
    يحب ويتحب ويعيش على امل
    حتى لو مفيش امل
    ويعيش على حب حتى لو مفيش حب
    بس نصبر شويه اكيد هنلاقى

    ReplyDelete
  5. كلام زي سلاسل الدهب تسلم ايدك
    ان شاء الله هعمل سلسله عن الحب واتمني انك تشترك معانا في النقاش

    ReplyDelete
  6. عزيزى تامر :- مش كل الناس وحشة ومش كل القلوب مش بتعرف تحب فى كل قلوب كتير عارفه يعنى ايه حب والحب بالنسبه ليها كل شى بس المشكله ان احنا دلوقتى اصبحنا فى زمن الحب بقى غريب عليه احنا بقى فى زمن الحب التيك اوى على السريع ان صح تعبيرى الحب الحقيقى اصبح نادر زيه زى الماس لازم تدور عليه كتير لحد ما تتاكد ان هو لان مش كل شى بيلمع يبقى دهب او ماس الحب كده بالظبط ممكن تلاقيه بيلمع من بره بريق على الفاضى بس لما تدخل جواه تلاقيه ولا حاجة فدور من جديد وتفضل تدور لحد ما تلاقى الماس الحقيقى اللى هو الحب ممكن ساعتها يبقى عليه شويه تراب لازم انت تشيلهم لان التراب ده من فوق الوش بس لكن من جوه لا معدن اصيل صدقنى فهل الحب الحقيقى ما يستاهلش نتعب شويع علشانه ؟
    عايزة احكيلك حكايه بسيطة واسيبك انت تحكم بنفسك عليها :-
    فى بنت حبت شاب اوى اوى ياتامر اوى الحب ده غير حياتها حببها فى الدنيا والناس خلى كل حاجة حلوة فى عينها حسسها لاول مرة بالامان اخدها من وحدتها وعالمها الى عالمه هو وهى كانت فى قمة السعادة لكده لدرجة انها كانت بتحس ان روحها فيه ومكنتش بتقدر تقوم من النوم الصبح الا لما تسمع صوته علشان يبفتحلها الدنيا حوليها ومش ممكن تنام برضه الا لما تطمن عليه حتصدق لو قلتلك انها احيانا كانت بتحس انه ابنهاوانها مسئولة عنه بس الحب ده جالها ماخر كتير جالها بعد ما اتجرحت كتير فى حياتها بعد ما بقت بتخاف من الناس ومش بتثق فيهم من كتر ما شافت منهم حتى حبيبها ده ساعات كتير كانت بتحاول تهرب منه خوف منها بس لقيت نفسها بتقرب ويتقرب وتقرب منه لحد ما خلاص بقى هو حياتها بعينها ؟
    البنت دى كنت كل امانيها فى الدنيا انها تتجوز الانسان اللى بتحبه ده وتعوضه عن كل حاجة فى الدنيا بس هى غلطت فى حقه من غير ما تقصد من غير حتى ما تاخد بالها عارف ازاى ؟
    *هى كانت مخطوبه قبل ما تعرفه كانت مخطوبه لانسان هى مش بتحبه اهلها ضغطوا عليها فوافقت بعد الحاح شديد بس بعد فترة مقدرتش تكمل معاه ففسخت الخطوبه وبعد فترة وبعد ما لقيت حلم حياتها وحب عمرها والحب الحقيقى فوجئت بخطيبها بيحاول يقرب منها تانى وعايز يرجعلها حاول محاولات كتير لدرجه انه اتقدم تانى لاهلها طبعا هى رافضه كده لانها مش عايزة غير حبيبها بس خطيبها السابق بيحبها اوى وعمره ما جرحها بكلمة طلب منها انه يقابها يتكلم معاها لدرجة والله العظيم انه بكى علشان توافق انها تقابله وهى برضه كانت رافضه علشان ما تزعلش الانسان اللى بتحبه بس هى كانت صريحة اوى مع حبيبها فحكيت له على اللى بيحصل فقالها قابليه واتكلمى معاه بس بحرص ودى ثقه انا بحطها فيكى ؟ وفعلا عملت زى ماهو قال وقابلت خطيبها سابقا على اساس انها تعرفه انها مش بتحبه ومش حتقدر تكمل معاه بس من غير ما تجرحه لان هى عارفه كويس يعنى ايه جرح القلوب فوجئت ان خطيبها بيلح وبشدة انها تسمعه ومتردش عليه فى وقتها وانه والله بيبكى امام عينيها علشان مش تسيبه لانه بيحبها هى ضعفت ومقدرتش ترد عليه بكلمة واحدة مقدرتش تجرحه مش علشان حترجعله ابدا علشان صعب عليها مقدرتش تواجه بس والله ماقالت كلمة تجرح فيها مشاعر حبيبها ابدا هى كانت فى حالة ذهول بس من الموقف هى مجربه كسرت القلب فاشفقت عليه وقالت بينها وبين نفسها ياريتها ما كانت قابلته والله فضلت طول الوقت اللى هى معاه فيه ساكته مش بتتكلم ولما روحت بيتها حكيت لحبيها على كل حاجة حصلت وهى عارفه ان ده ممكن يزعله بس فضلت تقوله على انه تخبى او تكدب عليه ؟
    هى بتعترف انها غلطت بس هى وقتها كانت مش عايزة تجرح قلب بيحب كانت عايزة تبعده بس بهدوء من غير جرح مش لانها بتحبها ابداوالله هى بس اشفقت عليه وده كان من وجهة نظر حبيبها غلط لا يغتفر اول كلمة قالها بعد ماقالتله الحقيقة ارجوكى اخرجى من حياتى ؟
    اه ه ه ه ه ه ه ه ه والف اه ه ه ه ه لما سمعت الكلمة دى قلبها وجعها اوى اوى حسيت بروحها بتسحب منها والموع نازله من عينها زى المطر فجاة متوقعتش انه ممكن يقولها كده ابدا فى يوم من الايام ؟هى غلطت ماشى يعاقبها باى عقاب هو شايفه يخاصمها يعمل اى حاجة الا كده ؟هى وقتها حست انها بتموت بجد ردت عليه وقالته انت كده بتموتنى؟؟؟؟ بس حاضر حخرج من حياتك وسابه من غير ما يعرف ايه اللى ممكن يحصلها بعده ؟
    وانتهيت الحكايه على كده انت شايف يا تامر انها تستاهل كده اهو قلب حب بجد بس غلط واحنا كلنا بشر وبنغلط تستاهل ان حبيبه يعمل فيها كده يموته وبايده ؟
    اعتقد ان القصه دى كمان حب حقيقى ومات علشان فى طرف ما اقدرش يغفر ويسامح غلط غير مقصود .
    لك تحياتى

    ReplyDelete
  7. لحظة؟
    مافكرتش فيا لحظة قبل ما تقولى انتهيتى؟
    مافكرتش ازاى انا حقدر اكمل حياتى ؟
    مافكرتش لحظة ان قلبى بعدك والله بيموت ؟
    قولتلك ؟
    انت بالنسبه ليا الامل
    انت بالنسبه ليا الحياة
    انت بالنسبة ليا الروح
    كنت صادقه معاك وكنت والله بهواك ؟
    كنت بحس بقلبك بيدق جوابا
    كنت بحس بنفسك خارج من روحى
    كنت بشوف الدنيا بعيونك
    كنت الدم اللى بيجرى فى شريانى ؟
    وفجاة قطعت انت كل اوردتى وشريانى ؟
    فاين ليا من الحياة لو تبعد ؟؟؟
    غلطت ؟
    حاسبنى
    عاتبنى
    عاقبنى
    انا بشر وكلنا انسان ومين فينا ما بيغلطش؟
    ياما كتير احباب فى الهوى غلطوا
    واللى بيحب بيسامح وينسى
    انت قلبك طاوعك وقادر على الهجران
    ومفكرتش فى قلبى انا اللى حبك
    ؟ قلبى انا الانسان
    عايز تبعد ابعد
    بس الاول شيل حبك من جوه قلبى
    اللى علمته انت ما ينطقش غير اسمك
    اللى علمته انت ميحسش غير بيك
    عايز تبعد ابعد
    بس رجعلى روحى اللى متعلقة فيك
    عايز تبعد ابعد
    بس قولى الاول ازاى بعدك اعيش ؟
    حرام تخلينى اخسرك يعنى اخسر كل دنيتى
    حرام تخلينى اموت وتموت حبك فى قلبى
    اه ه ه ه ه ه ه ه ه
    اه بقولها من قلب قلبى ليك
    اسمعها منى وحسها
    وجوه قلبك من قلبى حطها
    وشوف حتس بايه وقتها
    انا تعبانة من غيرك
    وروحى بتنسحب منى
    جوايا نار بتاكل فى قلبى وجسمى
    بس حسيبك واحترم قرارك
    نفس اقولك بحبك
    وعزة نفسى مانعنى

    ReplyDelete
  8. لحظة؟
    مافكرتش فيا لحظة قبل ما تقولى انتهيتى؟
    مافكرتش ازاى انا حقدر اكمل حياتى ؟
    مافكرتش لحظة ان قلبى بعدك والله بيموت ؟
    قولتلك ؟
    انت بالنسبه ليا الامل
    انت بالنسبه ليا الحياة
    انت بالنسبة ليا الروح
    كنت صادقه معاك وكنت والله بهواك ؟
    كنت بحس بقلبك بيدق جوابا
    كنت بحس بنفسك خارج من روحى
    كنت بشوف الدنيا بعيونك
    كنت الدم اللى بيجرى فى شريانى ؟
    وفجاة قطعت انت كل اوردتى وشريانى ؟
    فاين ليا من الحياة لو تبعد ؟؟؟
    غلطت ؟
    حاسبنى
    عاتبنى
    عاقبنى
    انا بشر وكلنا انسان ومين فينا ما بيغلطش؟
    ياما كتير احباب فى الهوى غلطوا
    واللى بيحب بيسامح وينسى
    انت قلبك طاوعك وقادر على الهجران
    ومفكرتش فى قلبى انا اللى حبك
    ؟ قلبى انا الانسان
    عايز تبعد ابعد
    بس الاول شيل حبك من جوه قلبى
    اللى علمته انت ما ينطقش غير اسمك
    اللى علمته انت ميحسش غير بيك
    عايز تبعد ابعد
    بس رجعلى روحى اللى متعلقة فيك
    عايز تبعد ابعد
    بس قولى الاول ازاى بعدك اعيش ؟
    حرام تخلينى اخسرك يعنى اخسر كل دنيتى
    حرام تخلينى اموت وتموت حبك فى قلبى
    اه ه ه ه ه ه ه ه ه
    اه بقولها من قلب قلبى ليك
    اسمعها منى وحسها
    وجوه قلبك من قلبى حطها
    وشوف حتس بايه وقتها
    انا تعبانة من غيرك
    وروحى بتنسحب منى
    جوايا نار بتاكل فى قلبى وجسمى
    بس حسيبك واحترم قرارك
    نفس اقولك بحبك
    وعزة نفسى مانعنى

    ReplyDelete
  9. ايه ياعم تامر الكلام الجامد ده
    شكلك كده اتجرحت قبل كده ، لكن بصراحة عايز اقولك ان كل الناس مش وحشه وفى ناس كتير اوفياء وبيصونوا اللي بيحبوهم ، بس بصراحه بيني وبينك اصعب جرح هو جرح الحبيب
    سلالالالام

    ReplyDelete
  10. كلام جميل ورائع ولابد للناس أن يأخذوا عبرة منه ولكن لى بعض التعليقات إذا سمحت لى :
    أولها:أن الحب شئ معنوى جميل يحس ولا يقال شئ دائم مادامت هناك قلوب تعي وتقدر هذا الحب فبمقتل الحب نقتل أصحاب القلوب الحساسة المقدرة لمعانيه؛فالعزاء هنا للإنسان فاقد الإحساس فاقد الحب
    (فاقد الشئ لا يعطيه)
    ثانيا:لايمكن أن يعيش الإنسان بدون أحلام ليحققهاوحتى لا يصتدم وينجرح لابد له أن يختار ماينفعه ولا ينخدع
    بالمظاهر الكاذبة.

    مع خالص أمنياتى

    نهر الحب

    ReplyDelete
  11. تيا سلام عليك يا تمورا
    دائما كتاباتك بتجزب الناس انها تفكر وتفضفض عن الاي جواها

    انا قرايت تعليق الضيفة الاي حكت مشكلة صديقتها
    انا اتاثرت اوي بالقصة دي
    طبعا محدش نفسه حبيبين يبعدوا عن بعض
    انا امني يرجع ليها حبيبها
    بس
    هي غلطانة لانها كدة خانت ثقته فيها
    هي خافة تجرح حد مجرحهاش
    بس جرحت اقرب حد ليها

    كان مفروض تفكر في خطيبها السابق
    وتتعاطف معاه تفكر في حبيبها الاي سمح ليها تتكلم بلسانه
    وتدافع عن حبه

    بس برضه يصعب عليه حرمان حد بيحبك كدة من حبيبه

    برضه ارجع لتامر انا متاكد ان ده مش كلامك
    لاني متاكد انك عمرك متفقد ايامنك بالحب
    وجماله
    دي عشرت سنين وانا عارف قلبك
    بس كمان متاكد ان دي مش تجربة شخصية ليك وانها تجربة انت شفتها
    او تاثرت بكتاب او حاجة قريتها



    علي فكرة يا جماعة تامر من النوع الاي ممكن عنيه تدمع وهو بيقري كتاب
    يعني ممكن كل ده يبقي مجرد ذكري قديمة عليه او حتي تاثر بحاجة خارجية لكن من جواه عاشق عاشق عاشق
    حر

    هههههههههههههههههه

    بس سارب ميزعل مني
    اني عمال اكشفهلكم كدة

    ReplyDelete
  12. اخى العزيز


    الحب موجود حتى قيام الساعة

    والصدق موجود حتى نهاية الحياة

    عشت فى غربتى عمرا

    ضاق صدرى من الوحدة

    بحثت فى ارجاء الكون عن حبيب يشتاق

    اليه القلب فصرت سنوات وسنوات

    حتى وجده القلب ونبض بصوت عالى

    وجدت حبيب العمر الذى بحثت عنه عمرا

    وجدته وكان ارضا صحراء فسقيته من

    نبع حبى ورويته حتى اظهرت اشجارة

    وفحاح عبير زهوره حتى ملئت الكون حبا

    رغم انه حبا قد يكون بلا أمل

    لكنه حب عمرى ولن يكون له عندى بديل

    حتى آخر العمر

    تفائل اخى واعلم ان الحب موجود

    smilyrose

    وردشان

    روح الحب الصادق

    ReplyDelete
  13. الحب اللي يجي بهزيمة وضياع يبقي مش حب يبقي وهم

    الحب امان وراحه بال وقوة وامل

    ReplyDelete
  14. ليه التشاؤم ده يا مان

    ان شاء الله كل واحد يلاقي النص الآخر اللي هيكمل معاه عمره

    بس قول يا رب

    :)

    ReplyDelete
  15. من عاشون سنوات عمرهم في انتظار لحظة صدق

    حلوة الجملة دى عجبتنى مع انى ما بحبش التشاؤم , موضوع حلو بس تفاءل واضحك للدنيا وانسى الماضى بكل اللى فيه , امسك كبريت وولع بيه

    ReplyDelete
  16. ليه بس كده يا تامر

    لازم نحلم

    لازم نعيش ومنستسلمش لاى دموع

    لا اى حزن

    خليك قوى فتره فى حياتك عدت هتنساها ويجى غيرها
    لازم تكون قادر تعيش

    ReplyDelete
  17. انت حساس اوى اوى ورائع وبحس وانت بتتكلم انى سامعة صوتك اقصد وانا باقرا كلامك بس اقولك حاجة الحب جميل بس اصبح امنية

    ReplyDelete

باضافة تعليق انت تساهم في اثراء الحوار
وتعرض وجهة نظرك التي سيستفيد منها الاخر
بالتاكيد