Wednesday, November 19, 2008

فلسفة الموت

وقفت ووقفت امامي
تتامل وجهي في حيرة غريبة
ونبتت بعينيها دمعة كلها حزن ولوعة
اخذت تنظر لي وكئني املها الضائع
وحلمها الغائب وحياتها المفقودة
وعمرها الذي راح وقالت :
الم تعد تذكرني يا تامر؟
قلت لها والخجل يملئني
ابدا لم انساكي
ولم تسعفني الكلمات فرحت في صمت وشرود
تركتني وذهب للغرفة المجاورة ومن بعيد سمعت صوت بكائها واهاتها الحارقة
لقد جرحت مشاعرها من جديد
لم تكن حبيبة هجرتها او احد فرقت بيني وبينه الايام
بل كانت ام اعز اصدقائي التي دائما كانت دائما تعاملني كئبنها وكم اتذكر ليالي طويلة
لسنوات مضت قضيناها سويا انا وهو وشاركتنا فيها
لكنه رحل ربما تعني الكلمة معاني كثيرة لكنه الرحيل عن الدنيا ما اقصد
في رحلتي في الحياة كان للموت دائما دور البطولة
رحل عني الصديق والجدة التي ربتني طفلا صغير ورحلت عني حتي من احببت
كلهم عجزوا عن الصمود اما قيمة الموت فهو القدر الذي لا رجعة فيه
عندما تسمع ان احدهم مات اول ما يدور بذهنك -ياه ده كان لسة معايا امبارح- ده كان بيكلمني من يومين- وخواطر اخري
كثيرة كلها تعجب من فاجعة الموت
وعندما تمشي في جنازة واستطعت ان تسمع فيما يفكر كل من فيها
فلا تتعجب ان وجدت ابناء الميت يفكرون في الميراث والمشيعون يفكرون في الحر وطول الطريق
وحتي التربي يفكرفيما سيدفع له وحاملي الجسمان يفكرون
لماذا عليهم تحمل ثقله في الحياة والموت ايضا لكن ما لم يفكر به احد
ماذا سيحدث عندما يحمل مثله؟! ربما يكون هذا هو السؤال الصعب حقا
لكن الموت لا يعني فقط الخروج من الدنيا فكثير من اهلها اموات ايضا
فكثير من الناس يحيا في الدنيا بلا قيمة ولا سعادة ولا لحظة امل
قد تحلم طويلا بشيء جميل وعندما تحققه تكتشف انه لا قيمة له
وان الامر باكمله مجرد وهم عشته وحدك ولا وجود له في الحقيقة

16 comments:

  1. حمدلله علي السلامه
    راجع بتكلم في موضوع حيرني كثيرا وهو الموت الحقيقه الوحيده في حياتنا
    عنما وجدته يأخذ مني كل من احببتهم الواحد تلوي الاخري
    وعندما مات ابي بحثت في هذا الموضوع كثيرا ولازمت بعض الشيوخ والداعيات
    وكنت اسأل نفسي ياتري هو حاسس بيه طب هو راح فين مع انه لما رحل عن عالمي كنت في سن الاربعين
    وتيقنت الموت جيدا
    الموت هو الحقيقه الوحيده في الحياه
    والدنيا هي سجن المؤمن
    الحمد لله ان انا اطمنت عليك قبل مااسافر
    ربنا يكرمك ويكرمنا

    ReplyDelete
  2. ياااااااااااااااااااااه الموت

    بجد بوست محير اوي


    صعب اقول اي كومنت عليه

    ليه بس ياتامر


    عااااااااااااااااااااااااااااااااا

    ReplyDelete
  3. تامر
    ايه اخبارك
    يعنى بعد الغيبه الطويله دى
    راجع ببوست مؤلم الصراحه
    تامر مالك
    انا مش عارف اخبارك
    بس ياريت تكون كويس
    فيه ناس كتير فى الدنيا ميتين
    وناس ميتين عايشين
    بس فى قلوبنا
    تامر
    يارب تكون كويس
    دايما قافل تليفونك
    ياريت طمنى عليك

    ReplyDelete
  4. اولا حمدلله على سلامتك

    مع انى رومانسى سبقنى

    وبعدين يا تامر الموت دا الحقيقة

    الوحيدة فى حياتنا المليئة بكل ما هو

    غير واقعى او ما هو لا ينم بالحياة

    ابدا كما قلت هناك الكثيرين من

    يتواجدون فى الدنيا ولكنهم ليسوا

    باحياء ولكن الموت هو هو افضل شئ يعظ

    الانسان حتى يعلم ان النهاية قريبة

    وان الموت يأتى بين رمشة عين وارتدادها

    ولكن الأمل فى القلب موجود مادما ينبض

    نستعد لمقابلة الله نعم

    ونستمر فى حياتنا كما امرنا الله

    وتذكر اجمل ذكرياتك مع من فقدتهم

    وقم بقراءة الفاتحة واعلم انهم

    يحيطون بك فى كل لحظة

    فالروح ليست فانية ودائما تحيط من تحب

    smilyrose

    روح الحب الصادق

    ReplyDelete
  5. تامر

    سلام عليكم

    انا مش عارفة اقلك ايه بس انا فعلا ببكى دلوقتى

    الموت كما يقولون مفرق الجماعات وهادم اللذات ولكنه الحقيقة الوحيدة فى حياتنا

    يجب الا نبكى على من ماتوا طيلة حياتنا ولكن لنجعل حياتنا مصدر سعادتهم فى قبورهم

    فان ارواحهم تطوف بيك وتسعد بعادتك وتحزن لحزنك

    لكن الموت لا يعني فقط الخروج من الدنيا فكثير من اهلها اموات ايضا
    فكثير من الناس يحيا في الدنيا بلا قيمة ولا سعادة ولا لحظة امل
    قد تحلم طويلا بشيء جميل وعندما تحققه تكتشف انه لا قيمة له
    وان الامر باكمله مجرد وهم عشته وحدك ولا وجود له في الحقيقة


    وهذه هى الحياة دائما نبحث عن السراب

    مش عارفة اقلك ايه بس انا والله بتمنى من كل قلبى انك تكون سعيد دلوقتى وترجع تانى تامر الحسينى بموضوعيه اللى كنت بشوفها فيها الرومانسية والامل

    ربنا يرحم اموات المسلمين جميعا

    تحياتى
    ايمى

    ReplyDelete
  6. قد تحلم طويلا بشيء جميل وعندما تحققه تكتشف انه لا قيمة له
    وان الامر باكمله مجرد وهم عشته وحدك ولا وجود له في الحقيقة
    تكلمت عن موضوع صعب فعلا الموت
    كلمة لم يستطع أن ينكرها أحد فى تاريخ البشرية
    تحياتى على الموضوع الرائع
    دمت بكل الود

    ReplyDelete
  7. السلام عليكم ورحمة الله وبركاته

    عجبتني الدخله اوي حسيت انها بداية خاطره رومانسيه

    بس
    لقتها موت وحاجات كأنك نشنت زي ما بيقولوا

    الموت كلمه كلها سواد نواح غموض رعب
    انتقال من دنيا فيها ناس لاخره فيها ناس برده لكن بيكون فيها
    احساس بأن كل الناس بما فيهم انا اندال يوم القيامه ما حدش يعرف حد

    كفايه مش عايزه ادخل الجو ده لحسن لو دخلت مش طالعة دلوقتي

    تحياتي
    الي اللقاء

    ReplyDelete
  8. اخى العزيز تامر اصعب ما فى الحياه هى الموت قد تفارق شخص عزيز ولكن مجرد احساسك انه موجود حتى وان لم يكن معك فهو يريحك اما عندما تعلم انك فقدته للابد فهذا هو قمه الياس ولكن تلك هى الحياه شخص يولد واخر يموت انسان يبقى واخر يرحل ودوام الحال فيها من المحال هى ودائع يستردها من خلقها وارسلها ولا نستطيع الا ان نقول قول رسولنا الكريم ان القلب ليحزن وان العين لتدمع وان على فراقك لمحزونون ولا نقول الا ما يرضى رب العالمين انا لله وانا اليه راجعون من حقك ان تحزن وان تبكى ولكن تذكر فى النهايه ان قدر الله ات لا محاله فادعوا الله ان يرحمهم جميعا وينزلهم فسيح جناته ويجمعنا بهم فى رياض الصالحين هم السابقون ونحن ان شاء الله بهم لاحقون

    ReplyDelete
  9. تامر حقيقى بحييك على مشاعرك الجميله هيا الحياه كده ناس بتروح وناس بتيجى والحمد لله ان ربنا ناعم علينا بنعه النسيان ولو ان فى ناس لو فارقوك عمرك ما تقدر تنساهم
    اتمنى ان تدوم بكل الخير والتوفيق وننتظر منك كل ما هو جديد

    ReplyDelete
  10. بجد مستغرباك اوى يا تامر متابع كل الموضوعات عندى وما بتردش غير فى اوقات معينه بتختفى فجاه وبتظهر فجاه انت فين ليه مش موجود باستمرار ذى ما عودتنا

    ReplyDelete
  11. تامر
    انا حزنت اوى لما قريت موضوعك ده
    كمان لان محدش عارف اخبارك وانا منهم
    حسيت بيأس واحباط غير عاديين
    فيه كله دايما بقولهالك سبقتنى وقالتها طوبه دهب وطوبه فضه
    قد تفارق شخص عزيز والبعد يكون حاجز بينكم لكن مجرد احساسك انه موجود بيريح
    متخليش البأس يبقى المسيطر علينا
    وياريت ترجع بمواضيع كلها فرحه وحب وفرحه
    بلاش الجو الحزين ده
    ترجع بالسلامه يا غالى

    ReplyDelete
  12. انا بخير يا جماعة بس عندي شوية مشاكل نفسية غصب عني بعداني عنكم

    ReplyDelete
  13. اخى الكبير سننا ومقاما تامر انا بجد يشرفنى انك تحس اننا اخواتك واسرتك ودا نفس الاحساس اللى بحسه ناحيتكم كلكم انكم اخواتى وما بقدرش ما اسالش على حد فيكم مش موجود لانى بحس ان فى حاجه ناقصه لازم تكونوا كلكم بخير عشان تبقى الاسره كلها بخير كما قلت لك انك لك كل الحق فى احزانك ولكن مهما كان حزنك فجرب ان تعود الينا وتنشر موضوعاتك ونحن معك لا تحرم نفسك وتحرمنا من كتاباتك المفيده والجميله التى ننتظرها ولا تقتصر هذا الحزن على نفسك فتظل فيه وحدك بل اكتب لنا واسمح لنا انا نشاركك احزانك فقد نخفف عنك وتخفف عنا وتحياتى على كلامك الجميل الذى دائما يملانئنى بالامل واسفه على الاطاله وكثره السؤال ولكن نريد الاطمئنان عليك دمت بخير

    ReplyDelete
  14. الحمد لله ان احنا اطمنا عليك
    اما بخصوص الظروف النفسيه اللى بتمر بيها
    فانا ليا كلمه
    وجودنا جنبك وحواليك هو اللى حيخفف عنك حده الظروف ديه
    فياريت مش تبعد عنا
    ودايما تثرينا بالجديد والمفيد والملىء بالتفائل والامل من موضوعاتك الجميله
    وتعليقاتنا حيكون ليها فعل السحر فى انك تحس بوجودنا معاك قلبا وقالبا
    وفى نفس الوقت احنا كمان مش نحس بغيبتك عنا

    تحياتى ودمت بصحه وسعاده،،،

    ReplyDelete
  15. البوست جميل اوى ومؤثر جدا
    اسلوبك حلو اوى

    وجو المدونه كله عجبنى اوى

    ReplyDelete
  16. من لم يكفه الموت من واعظ فلا تكفه المواعظ
    نصيحةأخوية:ماتخليش زحمة الحياة تنسيك والدة صديقك فهى كمان ليها عندك حق

    ReplyDelete

باضافة تعليق انت تساهم في اثراء الحوار
وتعرض وجهة نظرك التي سيستفيد منها الاخر
بالتاكيد