Friday, January 2, 2009

نحلم ايه؟

نحلم ايه؟
ونحس ايه؟
يامه حلموا يامه حسوا
اسئلوهم ضاعوا ليه؟

كل واحد كان لوحده
عاش لنفسه
عاش لوحده
وامه جاله الياس ياخده
ضاع لكنه مضعش واحده

خد معاه الكل جنبه
غصب عنهم شالو زنبه
واحنا منهم بعد منهم خدنا ايه

هما ضاعوا وراحوا واحنا
جرحهم مخنوق في روحنا
كل شيء حوالينا واقف
ضد احلامنا وطموحنا

كل حاجة باينة واضحة
يعني لازم احنا نصحي
والتلاقي الاي باقي نخاف عليه

هي غلطة وفات زمنها
كلنا بندفع تمنها
يا وطن يا ام خايفة
نفسنا نرجع امنها

اغتيالهم للطفولة
مش شهامة ومش بطولة
يا وطنا لم شملك اتفقنا خطوة اولي

واستحالة عشان جرائته
نقتله ونقتل برائته
صمت نبضه هز ارضه
والحجارة قصاد رصاص

والاي مات علشان بلاده
لا ممتش ده يوم ميلاده
والقضيه مفيش قضية
اعلنوا الاحزان خلاص


11 comments:

  1. اول تعليق

    شخابيط mahgoub

    تحياتى ليك ياجميل

    ReplyDelete
  2. معاك كل حق والله يا تامر

    غلطة وفات زمنها وكلنا بندفع تمنها

    تحياتى ليك على الكلام الجميل اوى دة والله وبجد وحشتنا اوى
    بلاش الغياب اوى كدة
    تحياتى ليك
    شخابيط mahgoub

    ReplyDelete
  3. لك الله يا فلسطين

    ReplyDelete
  4. والاي مات علشان بلاده
    لا ممتش ده يوم ميلاده
    والقضيه مفيش قضية
    اعلنوا الاحزان خلاص


    فعلا يا تامر دا يوم ميلاده

    يوم بيشهد فيه ثمرة عذابه

    يوم يقابل ربه فرحان قلبه بعد غيابه

    عاش حزين مليان جراح من يوم

    ما وقف على اقدامه

    غلطه غلطوها زمان دفع تمنها اجيال

    بجد كلامك فوق الرائع

    حمدلله على سلامتك

    وكل عام وانت بالف خير



    smilyrose

    روح الحب الصادق

    ReplyDelete
  5. الله عليك يا تامر
    واحشنى ياروح قلبى
    مش عارف يا تامر
    فيه ايه اللى بيحصل حوالينا واحنا ليه كده


    اختيارك موفق يا جميل
    كل سنه وانت طيب

    ReplyDelete
  6. السلام عليكم ورحمة الله وبركاته

    اولا مهما كان اللي بيحصل حوالينا دا مايمنعش اني اقولك ربنا يجعلها ان شاء سنه في مجملها سعيدة

    الغنوة المكتوبه لذكري واصاله مش كده لان صعب اسمعها اون لين
    بس انا فاكراها

    متغبيش كتير تاني

    تحياتي
    الى اللقاء

    ReplyDelete
  7. حمد لله على السلامه يا تامر ايوه كده نور مدونتك تانى ويارب ديما بس انا لسه زعلانه وعلى العموم تسلم ايدك كلامك اكثر من رائع ويارب سنه جديده ديما مبدع وفنان

    ReplyDelete
  8. اللهم فك اسرهم واشفى مرضاهم وتقبل

    شهدائهم...

    وانتقم من كل جابر وانتقم من كل من

    ساهم فى هذه المجزره..

    اللهم امييييييييييين

    سندس

    ReplyDelete
  9. دمت ما دام قلمك يخط وما دامت تذوق للأدب ينير وابداعات تستقبل التهانى
    تحياتي
    http://alzharaaalmokhtafeaa.plogspot.com

    ReplyDelete
  10. بجد ياتامر مش عارفه اقول ايه بعد كلامك الجميل ده ويمكن الهديه بتاعتك مش عارفه افتحها وكان كلى فضولى انى اشوفها لكن اللى انت عملته وقولته كان اجمل هديه ودخلت على اللينك وشفت الصوره والجروب بجد مش عارفه بعدهم اشكرك ازاى لكن عيزاك تعذرنى لانى ما اعرفش اى حاجه فى الفيس بوك حتى معرفتى بالمدونات محدوده جدا ورحم الله امرىء عرف قدر نفسه وبجد دا كتير اوى اوى اوى عليا ودا مش احساسك لوحدكم دا احساسى ناحيه رومنسى ومحجوب وكلكم بجد احلى عيد ميلاد وانا فى وسطكم وفعلا تسلم ايدك وربنا يخليكم ليا يا اجمل اخوات ما اقدرش اقول اكتر من كده

    ReplyDelete

باضافة تعليق انت تساهم في اثراء الحوار
وتعرض وجهة نظرك التي سيستفيد منها الاخر
بالتاكيد