Friday, August 8, 2008

وبعدين؟





هتعمل أيه لو نمت يوم
وصحيت
وشفت نفسك في المرايه
بكيت !!
جواك سؤال تصرخ تقول
أنا مين?
أنا زي ما أنا
ولا اتقسمت أتنين?
وبعدين?
قول يالي في المرايه
فهمني ايه الحكايه
فرحان?
تعبان?
مرتاح?
ندمان?
حجات كتير في حياتنا
أتسببت في حيرتنا
وادينا عايشين
راضيين
جايين وريحين

هتعمل ايه
لو نمت يوم وصحيت ولاقيت
اقرب ما ليك في الدنيا مش حواليك?
هو انت مين الاي عمل كده فيك?
مش أنت
ولا في حد غمي عينيك?
وبعدين?
قول يالاي في المرايه
فهمني ايه الحكايه
فرحان?
تعبان?
مرتاح?
ندمان?
حجات كتير في حياتنا
أتسببت في حيرتنا
وادينا عايشين
راضيين
جيين وريحين


22 comments:

  1. حلوة يا تامر بس محبطه اوى
    بجد تسلم دماغك

    ReplyDelete
  2. فهمني ايه الحكايه
    فرحان?
    تعبان?
    مرتاح?
    ندمان?


    فرحان لانى للموضوع دا قريت

    تعبان وتعبى انتهى لما ابديت

    مرتاح وارتحت لما لهمومى نسيت

    ندمان لانى مش مع اللى حبيت

    دى حكاية كل واحد فينا

    وبجد

    جميل الموضوع يا تامر

    ReplyDelete
  3. الله جميل اوى ياتامر

    بس اكيد الانسان اللى باصص فى المراية هو عارف كويس ايه حالته وغالبا بيكون الحل كمان مابين ايديه

    هو الوحيد اللى يقدر يقول انا فرحان او تعبان او مرتاح او ندمان وهو الوحيد اللى عارف ياترى دى دموع الندم ولا الفرح ولا التعب


    تحياتنى

    ايمى

    ReplyDelete
  4. الحقيقة كلمات جميلة جدا
    واحساس حضرتك راقى جدا
    وهو اكتر ماانه شعر هو حكاية بتوصفنا كلنا وفى حوار وتساؤلات وانا الحقيقة بحب جدا الشعر اللى بالشكل ده
    سلمت الايادى بجد مدونة حضرتك تجنن

    ReplyDelete
  5. حلوه قوى يا تامر
    تحس انها اسئلتها
    محيرة
    وتخليك تسرح معاها
    تحياتى

    ReplyDelete
  6. صحيت فجأة

    فرحان مفتكرش

    مهموم مش عارف ليه

    أنا مين مش قادر أحدد

    سألت نفسى سؤال ليه بتعذب

    وبعذب أقرب الناس ليه

    صحيح الحب أسمى فى الوجود

    لكنى اتعبت أقرب انسان ليه

    مش عارفة أنا مين وليه ولكن

    بقوله متزعلش هى كدا الحياة

    موضوع رائع يا تامر

    وبجد خليت كل واحد فينا يسئل نفسه

    أنا مين

    فرحان

    تعبان

    مرتاح لا أظن ذلك

    smilyrose

    وردشان سابقا

    ReplyDelete
  7. hello
    تصدق انا لو حصلى كده ممكن اتجنن بجد
    شكلك شايل هموم كتير
    اتمنى نكون اصدقاء
    سلام

    ReplyDelete
  8. عزيزيblue-wave

    اشكرك علي تعليقك

    تحياتي

    ReplyDelete
  9. فرحان لانى للموضوع دا قريت

    تعبان وتعبى انتهى لما ابديت

    مرتاح وارتحت لما لهمومى نسيت

    ندمان لانى مش مع اللى حبيت

    دى حكاية كل واحد فينا



    بجد تعليقك رائع يا احمد
    اشكرك علي تعليقتك المميذة

    تحياتي

    ReplyDelete
  10. صديقتي العزيزة ايمان

    اولا اشكرك علي تعليقك الجميل
    بس للاسف انا بختلف معاكي في الراي

    اوقات كتير الانسان بيبقا حاسس بالتعب ومش بيقدر حتي يعبر عنه للاسف
    وده اصعب كمان

    بس اوقات بيوصل للجرح اوقات يداويه واوقات يكون فات الاوان

    تحياتي

    ReplyDelete
  11. عزيزتي whisper

    انا سعيد بزيارتك الاولي لمدونتي واتمني متكونش الاخيرة

    واتمني موضوعات المدونة تعجبك
    تحياتي

    ReplyDelete
  12. عزيزتي الفراشة الصغيره

    مرسي قوي علي التعليق الجميل
    وعلي رائيك واسلوبك

    وانا كمان زرت مدونتك وعجبتني موضوعاتك
    جدا

    تحياتي واتمني متكونش الزيارة الاخيرة

    ReplyDelete
  13. عزيزتي smilyrose


    اشكرك علي متبعاتك للمدونة وتعليقاتك
    المستمرة ودعمك للمدونة

    تحياتي

    ReplyDelete
  14. عزيزي حسام
    صدقتك شيء يسعدني
    واتمني تكون دائما من زوار المدونة وتسعدني بتعليقاتك
    وانا كمان هزور مدونتك واشوف موضوعاتك الاي بالتاكيد هتعجبني

    تحياتي

    ReplyDelete
  15. جميلة الكلمات و الاغنية رائعة


    شكرا للنقل يا ريس


    وحشانى مدونتك اوى

    ReplyDelete
  16. جميلة الكلمات و الاغنية رائعة


    شكرا للنقل يا ريس


    وحشانى مدونتك اوى

    ReplyDelete
  17. عزيزي عمرو وجية
    اهلا وسهلا بيك في المدونة
    انا خلاص بعتبرها بيتك واتمني انها تكون كدة بالنسبة ليك
    بس الجميل في كلامك كلمة ممكن تكون مش مقصودة

    كلمة يا ريس

    انا عايز اقولك ان في ناس كتير قوي بقت بتقولي يا ريس
    بعد موضوع رئيس الجمهورية
    الناس دي منهم الاي دخل المدونة وقراء الموضوع
    ومنهم الاي عرف اني بحلم بعد عشرين سنة اني ابقا رئيس الجمهورية
    انا بحب اشكرك قوي لانك بتفكرني بالناس دي

    وفي موضوع قريب هكتبه عنهم علشان كل الناس تعرفهم

    تحياتي
    تامر الحسيني

    ReplyDelete
  18. الاغنية دى بعتبرها نقطة ضعف عندى
    لما بسمعها مش بحس بنفسى
    مش بحس غير انى عايزة اقعد فى مكان لوحدى انا و المراية و اتكلم مع نفسى و اعنفها لانها عاشت اوهام و تخيلت شخصيات مش موجوده
    شخصيات مرسومة بريشة بعض البشر الفنانيين فى صناعة الأقنعة


    انا بشكرك على نقل الكلمات
    ذوقك رائع

    و ليا عودة مع البوست الجديد بس اكون قاعدة على النت فترة علشان اقراه كويس قبل ما اعلق

    دمت بكل ود و خير

    ReplyDelete
  19. عزيزتي ورود واشواك

    احيكي علي تعليقك الجميل
    انا كتبت الموضوع ده في الحقيقة لسبب قريب من السبب الاي حكيتي عنه
    للاسف صناع الاقنعة من البشر بقوا محترفين بشكل ليس له مثيل

    بس انا كتبتها كمان
    لاني للاسف
    اوقات الانسان بيفقد شيء عزيز عليه
    قوي منغير ميشعر انه بيفقده بارادته وتصرفاته
    وبحكم القدر عليه

    علشان كدة الاغنية دي بجد جميلة قوي لان فيها حزن دفين وسر حقيقي حزين

    تحياتي ليكي
    تامر الحسيني

    هستني تعليقك علي الموضوع الجديد

    ReplyDelete
  20. جميل الكلام بيعكس بجد الحاله المحيره الاحنا على طول فيها نبقى تعبانين ما نعرفش من ايه ولو اتسالنا ما نعرفش نشرح ايه اللى تاعبنا ولو جينا نضحك نحس ان جوانا شىء بيكئبنا فعلا الكلام والتعبير جميل ربنا يكرمك وتزيد موهبتك وتبدع اكتر واكتر

    ReplyDelete
  21. بجد كلمات لااغنية دي تحفة
    انا بحبها قوي
    لانها بتخليك تشوف نفسك صح
    هو انت ده فعلا
    ولا حد تاني بتمثله
    اوقات بتكون فعلا بتعمل حاجات مش بتاعتك
    وعلشان كدة
    مرايتك ساعات بتكون واضحة معاك
    واوقات بتكون مش واضحة
    كل واحد بقى وعلاقته مع مرايته
    ميرسي على الموضوع الجميل
    فكرني بمرايتي
    هقوم اشوف بقى هي وصلت معايا لفين
    انا اسفة اني اتأخرت على المدونة كتير
    بس ان شاء الله مش هتتكرر
    بعتزر لك يا تامر

    ReplyDelete

باضافة تعليق انت تساهم في اثراء الحوار
وتعرض وجهة نظرك التي سيستفيد منها الاخر
بالتاكيد