Friday, December 14, 2007

مسيرة الشموع

بسم الله الرحمن الرحيم

احبائي متاسف للغياب بس لظروف خارجه عن ارادتي بعدت عنكم شويه
واديني رجعت اهه لاني بيني وبينكم مستحملتش البعد
وكمان مستحملتش اني اقعد ساكت ومش احكيلكم علي الاي بيحصل في العالم
طبعا هتقولو لي ايه بيحصل في العالم حروب ودمار ومجاعات وزلازل
لا في كمان في العالم حريه وعداله طبعا العالم ده بعيد عننا حبتين
طبعا كلنا عارفين الرئيس الفرنسي السابق جاك شيراك
الرجل الاي تربع علي عرش فرنسا لسنوات طويله في دورتين متواليتين كان ممكن يرشح نفسه للثالثه والاخيره حسب الدستور الفرنسي لكنه رفض ذلك لانه لا يريد ان يكسر قلوب الفرنسيين
ويرشح نفسه ويفوز بالمره الثالثه ويصبح رئيسهم طوال 12 سنه
لاكن لانه احب ان يعطي فرصه لدماء جديده تنازل عن حقه في الترشيح
لكن الغريب ان هذا الرجل الان في فرنسا يحاكم الان بتهمه مش هتصدقوها
بتهمة انه عين واحد قريبه في منصب مهم قبل ما يتولي الرئاسه
وطبعا رفع عليه دعوه وتم تاجيل النظر فيها لحين انتهاء وظيفته كرئيس للدوله
حتي يتم النظر فيها
شفتو كده قبل كده متهيئلي مشفتوش
عارفين لو جاك شيراك هو رئيس مصر كان عمل ايه
مكنش حد جرا انه يوديه للقضاء بسبب تعيين موظف
وكمان لو حد اتجنن وعمالها فقدام الرئيس الاي عارف ان في محكمه مستنياه
بعد انتهاء الرئاسه الف وسيله ووسيله لانهاء الموضوع التافه ده
زي انه مثلا يغير القوانين او يختفي الاي وداه للقضاء
ويموت في ظروف غامضه الشهود او يعتقل ويعزب حتي يقر بانه الجاني
من يقول له غير ذلك وبعدين هو شيراك رئيس مصر هيوجع دماغه ليه
مش المفروض انه هيتحاكم لما يسيب الرئاسه طيب مين قال انه هيسيبها غير وهو
رايح علي القبر يبقوا يجو يحاكموه هناك بقا
طبعا انتو مستغربين من كلامي لا متستغربوش
ولو كنتم حضرتم المسيره الاي تمت بالشموع في ليل القاهره
بمناسبة مرور 3 سنوات علي سجن ايمن نور
الانسان المصري الشريف الاي كل تهمته وما اغربها انه زور 50 توقيع
لخمسين شخص مصري علشان يقدر يعمل الحزب بتاعه
يعني مين بالعقل يصدق ان انسان زي ده له شعبيه وملايين من المحبين والمؤيدين
عاجز عن جمع توقيعات 50 شخص فقط لانشاء حزب سياسي
وطبعا الموضوع لمن لا يعرفه ان في واحد تاني شاهد اسمه ايمن اسماعيل
الذي يتشابه اسمه مع اسم السيد ايمن نور اسماعيل
الرجل ده تم استغلاله لسجن ايمن نور وانهاء خطره علي نظام الحكم
والذي لا يعرفه الجميع ان ايمن اسماعيل ده بعد ادلائه بشهادته
رجع تاني وغير اقواله واعترف انه كان اداه حركها ناس تانيه
وكانت النتيجه انه يشنق نفسه في السجن
ان النظام المصري يا احبائي كالشاكوش يدق اول باول كل مسمار يظهر امامه علي
الطاوله ليصبح هو سيدها الاوحد لكن الان يتم جمع توقيعات الملايين للمطالبه
بحصول ايمن نور علي جائزة نوبل للسلام لعام 2008
حتي تكون وسيله للضغط علي النظام للتوقف عن تعزيب رمز مصر ايمن نور

11 comments:

  1. في ظل السموات المفتوحة
    من حقننا نتنفس هوا

    ReplyDelete
  2. ومتزعليش يا امينا
    لويوم غاب عننا
    الضمير
    اصل احنا عمرنا
    طول عمرنا
    متفرعنين

    ReplyDelete
  3. يابلدنا ياحبيبتى فيكى حاجة محيرانى
    نزرع القمح فى سنين يطرح القرع ف ثوانى

    ReplyDelete
  4. عزيزتي lovly girl
    اهلا بيكي من جديد
    هو في ظل السموات المفتوحه والعولمه من حقنا مش بس نشوف في الغرب
    كل ما هو سيء ونقلده لا من حقنا نشوف عندهم
    الاي احنا مفتقدينه ونحققه
    ومش بس نتكلم شكرا ليكي
    ويارب متابعه للموضوعات باستمرار

    ReplyDelete
  5. عزيزي رومنسي

    هههههههههههههههه
    اشكرك علي التعليقات الجميله وزي ما عودتنا روح الشاعر العاشق
    علي فكره يا جماعه رومنسي اليويمن دول بيمر بقصة حب جميله
    ربنا يسعدك

    ReplyDelete
  6. ربنا يسعده ويهنيه
    نصيحة لرومنسي
    اتمسك بحبك حتى الموت
    واوعى اي حاجة في الكون تخليك تتراجع لو خطوة عن حبك
    واملك فيه

    ReplyDelete
  7. 福~
    「朵
    語‧,最一件事,就。好,你西...............................................................................................................................-...相互
    來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

    ReplyDelete

باضافة تعليق انت تساهم في اثراء الحوار
وتعرض وجهة نظرك التي سيستفيد منها الاخر
بالتاكيد