كل خروف وانت طيبين

اعزائي واصدقائي المدونين وكل زوار مدونة انسان عاشق حر
اهلا بيكم في بيتي الكبير
البيت الاي اجمل ما فيه انكم اهله
وانكم زواره

كل سنة وانتم بخير
ويارب العيد الجاي تبقي احلامكم كلها حقيقة

انا عارف انكم كلكم مستنيين العيدية
بكرة ان شاء الله
هنصلي سوا العيد
وندبح الخروف
وكل واحد نصيبه اكيد محفوظ
بس للاسف بسبب الازمة المالية العالمية
هنطر نطبق نظام الطابور
حتي في العيدية

العيد فرحة مااااااااااااء ماااااااااااااء
كل سنة وانتم طيبين
قتلنا الخروف وجاري التقطيع
العيدية باسبقية الحجز
هفكركم تاني محدش يشوف غير عيديته


كل سنة وانتم طيبين
يلا مين قال هات عيدية

اها في بنت شقية لحقت الحجز من البوست الاي فات
كل سنة وانتي طيبة يا زي الهوا
واتفضلي العيدية واتمني تعجبك

دائما ضي القمر تلحق عيدية
كل سنة وانتي طيبة
اتمني
تعجبك العيدية دية
زي عيدية العيد الاي فات

ودلوقتي مع اصعب عيدية لانها هدية لاغلي
مدونة هدية طوبة فضة بقلب دهب
وعلشان خاطرها ليها عيديتين
الاولي طلبها من الخروف
اتفضلي العيدية دية
والتانية بقي في الاخر

الاخت العزيزة سندس
دورك محفوظ كل سنة وانتي طيبة
وادي العيدية

دور الغالي ملك الرومنسية
رومنسي اتفضل يا جميل العيدية

مين كمان مين كمان
جه متاخر السنة دي
دي الغلطة المطبعية ايمي اتفضلي العيدية

مين كمان محمد الباحث عن السعادة
كل سنة وانت طيب وعديتك سر السعادة

شايف حد عمال يرجع في كلامه
اول مرة يزورني
كل سنة وانتي طيبة يا تشاندني
اتفضلي العيدية

مين كمان مين كمان
يويو صاحبة الجنة المفقودة
اتفضلي العيدية

يلا كمان مين قال هات
ضي القمر سابقا انا عديتي ليكي ليكي
ملاك الحب

مين كمان
مولان
عايزة مصاصة
اتفضلي احدث عيدية من مايكروسوفت


في حدوتة كبيرة اول مرة تشرف مدونتي
كل سنة وانتي طيبة
واتفضلي العيدية

كل سنة وانت طيب يا دكتور عمر
عيد سعيد عليك
وادي العيدية

عزيزتي سمايلي روز
لا ابدا متاخرتيش نصيبك محجوز
اتفضلي العيدية

مين كمان مين كمان
في حد متوصي عليه
ده محجوب ودي الوصية اقصد العيدية


ودولقتي عيدية عازفة المشاعر الانسانية
عازفة الاوتار




لسة الفرصة مش راحت
يلا تعالي الحق عديتك

أسئلك الرحيل

كم تمشينا سويا لسنوات مضت وجمعتنا ذكريات طويلة
اتذكر حينما كنا ننظر للشمس وقت الغروب
واحدثه عن ما وراء الافق ما وراء حدود الخيال عن ما يخبائة لنا الغد
وعدته ان ابقي دائما بقربه
وكنت كذلك
صاحبته في كل طريق مضي فيه
حين احب وحين جلس وحيدا يكتب اولي خطابات الحب
حتي عندما جلس ليكتب الشعر كنت انا من يملي عليه كلماته
حتي عندما قرر الرحيل لم اتركه يرحل وحده
رحلت معه وعشت الغربة معه
كنا نجلس صامتين في ليالي الشتاء علي اضواء الشموع ننظر سويا للقمر
ونحادثه دون حتي ان نتحدث كان يعلم دائما اني لا احتاج ان يتكلم لاشعر به
فدائما لم يجد غيري يشعر به
حتي عندما فقد اغلي الاحباء ووقف مزهولا غير قادر علي النطق
يستجدي الدموع لتريحه ولا يدمع كنت ادمع انا ليشعر هو بالراحه
كنت اشكي ليشعر هو بنه ابدا لم يكن وحيدا
وعندما عصف بنا الايام وشردتنا لم نفترق تلفحنا من البرد بالسماء سويا
خاصمنا الكلام سويا وعانيانا وتالمنا سويا
وتعبنا ونجحنا سويا
كان دائما يعمل وانا ادفعه ليثبت انه بحق انسان عاشق حر
كنت دائما سره الذي يخفيه عن العيون
وطاقته التي لم يعلم بامرها احد
لكنني لم اعد اصلح ان اشاركه حياته بعد الان فرغم كل ما صنعته لاجله
كفر بي واعلن عصيانه علي ولم يعد يؤمن بي
رغم كل ما صنعته لاجله وكل ما عانيته لاجله
لقد قررت بعد كل ما فعل بي وكل ما اصابني منه من المان ابقيه وحيدا
واجعله في ليالي الشتاء يتمني حتي الدمعة ولا يجدها
وان استطاع ان يدمعها فستتجمد علي خده لاني لن امسحها له
لن اراف لحاله او اهتم لشانه سارحل ليبقي وحيدا ليعيش وحيدا ويموت وحيدا
وليصبح نجم في السماء افل دون ان يشعر به احد او يشعر احد بوجوده
لقد قررت الموت انه قرار صعب وهو الذي دفعي اليه ويشق علي ان اعيش لاجله
كل سنوات عمري الماضية ولا يهتم هو لاجلي ويتمادي في تعزيبي والحقاء الالم بي
ساموت ليعيش هو بلا حياة ولا قيمة

فلسفة الموت

وقفت ووقفت امامي
تتامل وجهي في حيرة غريبة
ونبتت بعينيها دمعة كلها حزن ولوعة
اخذت تنظر لي وكئني املها الضائع
وحلمها الغائب وحياتها المفقودة
وعمرها الذي راح وقالت :
الم تعد تذكرني يا تامر؟
قلت لها والخجل يملئني
ابدا لم انساكي
ولم تسعفني الكلمات فرحت في صمت وشرود
تركتني وذهب للغرفة المجاورة ومن بعيد سمعت صوت بكائها واهاتها الحارقة
لقد جرحت مشاعرها من جديد
لم تكن حبيبة هجرتها او احد فرقت بيني وبينه الايام
بل كانت ام اعز اصدقائي التي دائما كانت دائما تعاملني كئبنها وكم اتذكر ليالي طويلة
لسنوات مضت قضيناها سويا انا وهو وشاركتنا فيها
لكنه رحل ربما تعني الكلمة معاني كثيرة لكنه الرحيل عن الدنيا ما اقصد
في رحلتي في الحياة كان للموت دائما دور البطولة
رحل عني الصديق والجدة التي ربتني طفلا صغير ورحلت عني حتي من احببت
كلهم عجزوا عن الصمود اما قيمة الموت فهو القدر الذي لا رجعة فيه
عندما تسمع ان احدهم مات اول ما يدور بذهنك -ياه ده كان لسة معايا امبارح- ده كان بيكلمني من يومين- وخواطر اخري
كثيرة كلها تعجب من فاجعة الموت
وعندما تمشي في جنازة واستطعت ان تسمع فيما يفكر كل من فيها
فلا تتعجب ان وجدت ابناء الميت يفكرون في الميراث والمشيعون يفكرون في الحر وطول الطريق
وحتي التربي يفكرفيما سيدفع له وحاملي الجسمان يفكرون
لماذا عليهم تحمل ثقله في الحياة والموت ايضا لكن ما لم يفكر به احد
ماذا سيحدث عندما يحمل مثله؟! ربما يكون هذا هو السؤال الصعب حقا
لكن الموت لا يعني فقط الخروج من الدنيا فكثير من اهلها اموات ايضا
فكثير من الناس يحيا في الدنيا بلا قيمة ولا سعادة ولا لحظة امل
قد تحلم طويلا بشيء جميل وعندما تحققه تكتشف انه لا قيمة له
وان الامر باكمله مجرد وهم عشته وحدك ولا وجود له في الحقيقة

أنا وعلياء

وقفت افتش في ركن

عن كتب الشعر

كانت بجواري واقفة

اسقطت علي يدها كتاب

فرايت السحر

رايت البسمة تتراقص في

وجه البدر

ولساني يتلعثم خجلا

يلتمس العذر

وذهبت الي ركن اخر

ابحث عن كتب مفقودة

ادور اشاهد اتامل

بعض من كتبي المنشودة

فرايتها تقراء ساكنة

والصدفة كانت موجودة

قـلــــبـي

هل هذي من تبحث عنها
لتنال الحب ؟

هل تجمع يوما اشلائي
وتريح القلب ؟

ام هل ستكون هي الاخري
رمزا للكذب ؟

يا قلبي حاول ان تقراء
نظرة عينيها عن قرب

ظللت الاحق خطوتها
خلف الاستار البشرية

في سراي اتنين*
نظرت لي
ضحكت شفتاها الوردية

ابتسمت عيني قارئة
اجمل ابيات شعرية

ورحلت بعيدا بخيالي

في ليالي العشق القمرية

لحظات كانت تسعدني
وهمومي كانت منسية

خرجت تصحبها صديقتها
تابعت بمكر ودهاء

وسمعت صديقتها تناديها
ما اجمل اسمك

علــــــــياء

يا بسمة عين تهديني

عشق ووفاء

يا اجمل من اضحك عيني
يا بحر حنان ووصفاء

علـــــــيــــــــاء

علــــيــــــاء علـيـاء

* سراي اتنين - القاعة رقم اتنين لعرض الكتب الادبية بمعرض القاهرة الدولي للكتاب
يحمل هذا العمل اسم عين يسكنها الحب لكن كل من سمعه اطلق عليه اسم انا وعلياء
تم القائه في اكثر من مناسبة واحتفال في جامعتي القاهرة وعين شمس
ويتم حاليا طباعتها هي ومجموعة من اعمالي في كتاب تحت اشراف احد مشروعات جامعة القاهرة

الازمة المالية العالمية+ تحديث1

الازمة المالية العالمية + تحديث هام

طبعا كتير منكم مكنش يتوقع اني اتكلم عن موضوع زي ده خاصة اني مش عملت موضوعات اقتصادية قبل كدة ولو ان الاقتصاد من اهم العلوم التي يجب ان نهتم بها لانها بتاثر في حياتنا اكتر كمان من السياسة وانا من المهتمين جدا بالاقتصاد ليس فقط بحكم دراستي او عملي بل لان الاقتصاد علم له حث فني عالي ويحتاج لمهارات كتير للتميز فيه


طبعا كتير منا سمع عن الازمة المالية العالمية في بعضنا عرف اسبابها وبعضنا تاه في المصطلحات التي يتم بها شرح الازمة اسمحوا لي ان اقدم لكم شرح للازمة بشكل مبسط ويربطها بحياتنا لكي يعرف كل منا تاثير الازمة علي حياته الشخصية

بدات الازمة في التكون من حوالي 4 سنوات وحدثت في النظام المصرفي اي في البنوك والبورصة وتبدا القصة برغبة الامريكان في ملكية المنازل زي اي حد في العالم حتي هنا في مصر اسعار المنازل عالية
والبنوك بتقوم باعطاء قروض للشخص ليقوم بشراء منزله ويقوم بتسديد اصل القرض والفوائد علي اقساط وطبعا الفكرة دي انتشرت جدا في امريكا وناس كتير كانت ساكنة في منازل قررت تستغني عنها وتشوف منزل اكبر وافضل لان البنك كان بيدي تسهيلات عالية جدا وبضمانات قليلة
لكن فجاة عدد كبير من المقترضين في البنوك توقفوا عن السداد وده ادي الي ان السيولة الاي في البنك تقل

يعني ايه سيولة؟
البنك بياخد فلوس من المدخرين ويديهم عليها فوائد بنسب قليلية 10% مثلا
ويدي الفلوس دي لناس عايزة قروض بنسبة فائدة 12 % والفرق بين النسبتين هو مكسب البنك بس البنك مش لازم يطلع الفلوس كلها
لازم يبقي عنده فلوس احتياطي علشان لو اي حد طلب سحب فلوسه في اي وقت يجدها وهي دي السيولة وبتبقي ليها نسبة من راس المال
وكل ما السيولة زادت بقي موقف البنك افضل


وفي امريكا بسبب توقف المقترضين عن الدفع قلت السيولة
لدرجة ان اي حد محتاج يسحب فلوس من البنك مش بيقدر ياخد فلوسه
وبكدة البنك بيعلن افلاسه طبعا في اسباب تانية مهمة جدا
ادت للازمة في سبب اضافي انا شايف انه يستحق الذكر
هو فشل نظام جورج بوش المالي لانه انفق بلايين الدولارات علي الحرب علي الارهاب
في السبع سنوات السابقة وده برضه ادي لتدني السيولة في امريكا
وبقت مشكلة العقارات في امريكا القشة التي قسمت ظهر البعير
او الحجة التي بيختفي ورائها بوش ونظامه الفاشل ويدعي ان المشكلة في الشعب نفسه وقدرته علي السداد لديونه

بس المشكلة في النظام المالي ككل انه زي الشبكة المترابطة
يعني خسارة بنك وافلاسه بياثر علي باقي البنوك مش في بلده بس لا في العالم كله
يعني مثلا بنك هنا في مصر بيحط فلوسه في بنك في امريكا والبنك فلس
يبقي البنك المصري فلس لانه فلوسه راحت هو كمان وطبعا اعلان افلاس بنك بيادي
لتراجع اسهمه في البورصة بشكل كبير وبياثر علي البورصة ككل وده يودي لتراجع البورصة وتراجع بورصة وول ستريت في اميركا ادي لتراجع بورصات العالم ككل
خاصة البورصة المصرية لان الاجانب باعوا اسهمهم فيها علشان يعوضوا خسائرهم في
اميركا وبالتالي وقعت البورصة المصرية
وهكذا تدور الشبكة لنكتشف ان مشكلة في امريكا بتاثر علي اقتصاد العالم بالكامل


والعالم الان مهدد بحالة كساد عالمي جديد يعني الناس مش هيبقي معاها فلوس تشتري احتياجتها الاساسية او تبيع
واخر كساد عالمي حصل هو الكساد العالمي الكبير سنة 1929 الاي غير سير العالم
واستمر ل 3 سنوات كاملة
لكن للاسف الكساد الحالي اضخم واكبر لانه طال انشطة كتيرة
ولان العالم دلوقتي في زمن العولمة بقي مترابط اكتر يعني الازمة علي الكل


طيب ايه علاقة الازمة دي علينا احنا كمصريين
طبعا لان الغرب بيمر بالكساد يبقي معندوش فلوس يعمل سياحة
يعني انخفاض في السياحة وكمان مش هيجي يستثمر فلوسه في مصر
ده بالاضافة ان صادرات مصر للعالم هتنخفض جدا وقناة السويس مش هتجيب زي الاول لان التجارة العالمية هتقف وكمان صناعات الملابس الجاهزة الاي كانت بتعتمد علي اتفاقية الكويز واتفاقية اغادير مش هيبقي ليها فرصة تتصدر ده كمان غير انخفاض اسعار البترول والحجات دي هي مصادر الدخل في مصر
يعني مصر هتعيش الفترة الجاية ظروف كساد صعبة قوي
والمشكلة الاكبر ان ده جاي في حالة التضخم
يعني الغلاء ودول الاتنين عكس بعض ولما بيحصلو مع بعض
بتبقي المشكلة مضاعفة لان الكساد بيخفض الاجور فتخيل اجور تخفض واسعار الغذاء ترتفع يعني بين المطرقة والسندان

بس في ظل الوضع ده في فرصة ذهبية لمصر وللحكومة بس هل الحكومة الحالية وصلها الافكار دي لا اعتقد ذلك اول حاجة ان الدول العربية الخليجية هتسحب فلوسها من امريكا ومن اوربا علشان الازمة متاخدش ما تبقي منها وفي معلومة مؤكدة ان خسائر دول الخليج تفوق سعر البترول الذي انتجته دول الخليج في العشر سنوات السابقة يعني خسارة كبيرة جدا يعني الاي جه من الابار طول السنين الاي فاتت طار في الهوا وكمان برميل البترول الاي كان ثمنه 150 دولار بسبب الازمة ثمنه بقي 70 دولار
ولن يرتفع الي 100 دولار قبل عام 2012 يعني ذلك انهم اكثر منطقة خسرت في العالم بالكارثة دي
وهما هيحاولة يقللوا الخسارة بسحب الباقي ولو مصر استغلت الفرصة وقدرت تقنعه بالاستثمار في مصر دي هتبقي انطلاقة لمصر وهتخلي مصر تطلع من الازمة دي الفائز الاول
خاصة ان الازمة ليها بعد كمان مشرق
علي الكيان الاسرائيلي لان الاقتصاد بتعهم معتمد علي المعونات الخارجية والتحويلات
من يهود الغرب لاسرائيل
وفي الظروف الحالية هتقل جدا الاعانات دي وهتبقي مرحلة صعبة جدا علي اسرائيل
يعني لو العرب استثمروا فلوسهم في العالم العربي بعد فشلهم في الغرب
واسرائيل ضعف اقتصادها بسبب ارتباطها بالغرب يبقي اتغيرت الخريطة وبقا العرب اقوي
من اسرائيل شفتم بقي قد ايه الاقتصاد بيلعب بالسياسة الكورة

للاسف دي اخر فرصة لاننا كعرب نعمل حاجة
الازمة زي ما فيها نقط سلبية جدا النقطات الايجابية فيها ممتاذة
بس لو قدرت الحكومة تقتنصها وتطبقها
بس مين يسمع ومين يقراء

اتمني تكون الصورة وصلت ليكم بشكل كويس ولو اي حد فيكم عنده اي سؤال
في التحليل ده او في اي حاجة اقتصادية يحب يعرف عنها او مصطلح مش فاهم معناه وبيسمعه كتير يسعدني الرد عليه وافادته بيها


تحديث هام
حدث تطور هام اليوم يوكد صحة التحليل الذي قمت به للازمة ويؤكد ايضان ان مصر لا تسير في الاتجاه الخاطيء حيث جاء الخبر التالي في جريدة الجمهورية اليوم

أمير قطر تسلم رسالة مبارك رشيد : تكتل اقتصادي عربي لمواجهة الأزمة العالمية

الدوحة - الكويت:

تسلم سمو الشيخ حمد بن خليفة آل ثاني أمير قطر أمس رسالة خطية من الرئيس حسني مبارك خلال استقباله المهندس رشيد محمد رشيد وزير التجارة والصناعة... تتعلق الرسالة بتعميق وتوسيع علاقات البلدين الاقتصادية.. وفي إطار بناء موقف عربي موحد نحو التكامل الاقتصادي كمحور مهم لمواجهة تداعيات الأزمة المالية العالمية. كما استعرض وزير التجارة والصناعة والشيخ حمد بن جاسم بن جبر آل ثاني رئيس الوزراء علاقات التعاون الثنائي بين البلدين الشقيقين.

بناء موقف عربي موحد نحو التكامل الاقتصادي كمحور مهم لمواجهة تداعيات الأزمة المالية العالمية
هذا هو الهدف الذي يجب ان نسعي اليه الان
وانا اقترح الدعوة لعقد قمة اقتصادية عربية يعقد فيها ورشات متخصصة بكل الصناعات العربية
وفرص مشاركة راس المال الخليجي لتطويرها والاستثمار فيها

اتمني ان تتحقق هذه الامنية كما تمنيت ان تري الحكومة نفس وجهة النظر التي توصلت اليها من خلال تحليلي المتواضع

المظلة

اخذ يتلفت حوله ويبحث عن امر ما في وجوه الناس وتطارده الكلمات المكتوبة علي لوحات الاعلانات
ويطارده خوفه في ان لا يعثر علي ما يبحث عنه وفي لفتة من لفتاته وجد هذا الوجه الصغير يلتفت اليه تردد برهة ثم تقدم خطوتين ثم توقف من جديد واخد يلتفت في من حوله
فاذا بهذه الابتسامة التي جائت لتقطع اي مجال للشك اقترب اكثر في
تردد
ثم توقف علي بعد خطوات وجاء صوتها ليمزق الصمت
انت؟
ابتسم ابتسامة شديدة اضفت علي وجهها بعض من علامات الخجل
انتي؟
ظلا صامتين كل منهم فقط ينظر للاخر في صمت وبسمة غريبة تعلو وجوههم
فرغم انه القاء الاول فقد عرف كل منهم الاخر لسنوات مضت دون ان يري احدهم الاخر
ثم اختارا طريق هاديء يندر فيه المارة واخذا يتمشيان فيه
وكل منهم صامت ينظر للاخر ليلتقط من وجهه المذيد من الحياة
ثم ينظر امامه في خجل
حاول ان يفتح اي موضوع لحوار لكن لسانه عجز عن ذلك
اخذ يتحدث كلمات متفرقة وترد هي عليه
سئلها سؤال لا معني له واجابته اجابة لا معني لها
لكنه قاطعها فجاه وهو يحاول ان يثبت عينيه في عينيها وقال في لحظة فريدة
وحشتيني
احست هي بالاطراب المفاجيء لم تكن تتوقع هذه الكلمة
ابتسم هو وحاول ان يجعل الامر هين عليها
وقالها مرة اخري فردت عليه بمثلها بصوته يكسوه الخجل
وظلا صامتين
لكن قطرات المطر ابت ان يبقيا كذلك فقطعت صمتهما
شعر هو بالارتباك لم يدر بخلده ان هذا اليوم من ايام الشتاء سيكون ممطرا
لكنه فجاه وجدها تفتح مظلتها
لم يري هذه المظلة من قبل فعينيه دائما اما تحاول التقاط نظرة من عينيها او هاربة تتجه الي اللأ شيء لتهرب من عينيها
حتي وان رائها لم يكن ليفهم ماهيتها او سببها وربما قد ادعي في خلده انها غير عاقلة لو رائها
لكنه الان يشكر فيها هذه الفطنة وهذا النمط من التفكير الذي لم يكن يتوقعه فيها ولا يسهل علي عقله ادراكه
انه يكتشف الان كيف انها مكملة له فهو من الجراة بمكان لعمل اي شيء
وهي من الحكمة بمكان لادراك ماهية اي شيء
نحن مكتملان مكتملان اخذ يحدث نفسه بذلك
وكئنه اكتشف احد الكنوز المخبئة في هذا العالم حين وجدها الان
فتحت مظلتها وحاولت ان تجعلها تغطهما معا
لكنه علي بعد خطوات منها اه لو تتسع المظلة قليلا لتدركه
هذا ما دار بخلدها اخذت تتامله وقطرات المطر تسقط علي شعره
وتنحدر الي جبينه كم تمنت ان تكون فقط قطرة كهذه لكنها لن تكتفي بذلك لن ترحل وجهه دون المرور بشفتيه
قطع هو خاطرها المجنون بنظرة فيها استسلام
وصوت الرعد يعلو ويتجدد
واشتدت الامطار وخلا الطريق من اي مار سواهم
قالت له تعالي تحت المظلة لتحتمي من المطر
قال لها لا عليكي اني بخير قالت اذا احملها انت عني
حمل المظلة وهو يحاول ان يغطيها باكملها ومشيا بضع خطوات
كانت المسافة بينهما في كل مرة تقل قليلا
الي ان اصبحا متلاصقين
نظر في عينيها وقال لها انا اسف لكل ذلك
قاطعته نظرة عينيها واجابه صوتها وكئنه حلم من احلام اليقظة
احبك
قالتها وجسدها يرتعش ليس من البرد بل من ما بداخلها من حب
لم يستطع ان يتحمل ما بها من برودة وهكذا كان يظن
وما بداخله من نار الشوق
فوضع يده علي كتفها ليحمها القطرات الشاردة التي تتسلل خلف المظلة
ونظر في عينيها وجد نظرات عينيها مستسلمة سعيدة بما الآا اليه
نظر الي شفتاها وقطرة من قطرا المطر تداعبها
فابي ان تاخذ قطرة لا تستحق ما يستحق هو
فاقترب ونظره موجه لعينيها واقتربت وتلاقت شفتيهما في لحظة نادرة
كلها شوق وتوقفا عن السير ولم يتوقفا عن الزوبان
كئن كل منها يزوب وهو يقبل شفاه الاخر
انة شوق ووله التقطتها اذنيه تخرج منها
لقد احبها بحق انها ما يستحق
لقد احبته بحق وهو ما تستحق
لم يدري اي منهم كم عبث بهم الزمان دون انفصال للشفتان
وكل ما يعلمان ان الامطار توقفت والشمس باشعتها اعلنت بداية اشراقة جديدة اشراقة حب
مشي كل منهما ويديه تنام في باطن يد الاخر واكملا طريقهما
وكل منهما تتوهج خدوده من حمرة الخجل
وتشتعل شفاهه من متعة الحب.

عاسكم من عوادة

بسم الله الرحمن الرحيم

كل سنة وانتم طيبين ويارب الايام الجميلة دي ترسم علي شفايفنا البسمة
وتنور ايامنا وليالينا بالفرحة
كل سنة وكل الدنيا بخير

عيد فطر مبارك
وعساكم من عوادة
:)
طبعا بتسئلو فين العدية
متخفوش مش هنساكم كل واحد هياخدها باسمه

يلا اقفوا صف ورا بعض
وكل واحد يقولي في التعليقات كل سنة وانت طيب
هيلاقي هنا في البوست اسمه وعديته

يلا بسرعة قبل العيدية متخلص
هههههههههههههههههه

كل سنة وانتم طيبين
نتفق بقا قبل منعرف مين في الصف
كل واحد يخلي باله علي عديته بس
وميقلبش في هدايا الباقي
:)

ايه ده مين في اول الصف
ومنوره كدة
ايمي
انا وعدت ان اول واحد هياخد احلي عيدية
وعلشان انا عارف قد ايه ايمي جميلة
اتمني تقبل مني العيدية دي

ايه ده
مين كمان
الحبايب كلهم هنا
انا شايف واحد عمال يغلس علي المدونة الاي قدامه
علشان سبقته
مع ان هديته بجد اتمني تعجبه
دي اكبر هدية هنا النهارضة
ههههههههههههههه
كل سنة وانت طيب يا رومنسي
ويارب السنة الجاية يتحقق الاي في بالي وبالك
وعديتك اهه يا جميل حلال عليك


يلا كمان مين قال هات
الدكتور عمرو
كل سنة وانت طيب يا صاحب اجمل كلام من القلب
اتفضل العيدية وكل سنة وانت طيب



اهااااااا
مين كمان واقف
انا شايف واحدة طماعة عايزة احلي هدية
بس تصدقوا ليها حق
اذا كانت صاحبة قلب بيته طوبة دهب وطوبة فضة
يبقا تستحق مني العيدية دية


ايه ده مين الاي مش باين من الارض ده
ههههههههههههه
سفروتة
لا دي ملكة السفاريت
اصلا يا سفروتة
انا محضر ليكي احلي عدية
وكل سنة وانتي وكل الرعية في مملكتك السفروتية بخير


عوووووووووووووووووووووووووو
خضتكم مش كدة
دي كيارا مش انا
واقفة بتقول وانا مالي عايزة مصاصة
انا جبت ليها اكبر عيدية ممكنة
وهي وشطارتها
ههههههههههههههههه
وادي يا قمر العيدية


مين الاي في اخر الصف بلا امل ده
ههههههههههههه
دي اجمل قمر ضي القمر
كل سنة وانتي طيبة
وعديتك محفوظة ولو رقم مليون
اتفضلي يا قمر العيدية

هاااااااااا
مين واقف في الطابور بيعيط
وعايز الهدية
زمردة
بنت البحر واسكندرية
اتمني تعجبك العدية دية

يلا مين قال هات
سندس
واقفة لوحدها بتدور علي امل
كل سنة وانتي طيبة
واضح انك بتحبي الحجات الاي باليد
علشان كدة اتفضلي العيدية دي
علي اول مكاكينة طباعة واطبعيها
وامل حقها محفوظ
ههههههههههههههه
كل سنة وانتي طيبة

مين واقف في الصف سرحان وعمال
يبص علي البلونات والبنات الاي بنغني
دي اكيد زي الهوا
كل سنة وانتي طيبة يا جميل
اتفضلي يا قمر العيدية

ههههههههههههه
امل جت اهه
والله منورة
الصف
باين عليكي ملكيش في الفلوس زي سندس
علشان كدة انا خترت ليكي
عيدة كل بنوتة حلوة بتحبها
اتفضلي العدية

ها مين كمان
انا شفايف واحدة جاية وعينها علي الفلوس
وبتقول هات المصروف
كل سنة وانتي طيبة يا سمايلي روز
اتفضلي العيدية

مين واقف بيبكي هناك
لا لا مش تبكي ابدا يا
yoyo
عيد سعيد عليكي يارب
والعيد الجاي تحققي ما تتمني يارب
اتفضلي يا قمر العدية


مين كمان قال هات
موناليزا جت وعايزة عيدية
اتفضلي اعظم هدية
وكل سنة وانتي طيبة وبخير يارب
واهلا بيكي لاول مرة في الطابور بتاع العيد


مين كمان
مين كمان
ده اعز واغلي اخ وحبيب
كل سنة وانت طيب يا محجوب
انا مش هديك بس عدية
انا بتمني توصلك وتديهاني تاني
لما تبقي عروسة

انا شايف حد اهه
لف وراجع تاني عنيه علي هدية تانية
اتفضلي يا زي الهوا
طلبتاك اوامر
اتفضلي

يلا مين كمان عايز عدية
حنين جاية تسلم
كل سنة وانتي طيبة
وادي يا ستي العدية


ها يلا قربنا نخلص
مين اخر واحد
الريم
كل سنة وانتي طيبة انتي اخر واحد له عدية
عندنا السنة دي
اتفضلي العدية

شايف اتنين واقفين بيبصولي
ههههههههههههه

ايمي عايزة العيدية
ماشي يا ايمي
رغم انك اخدتي اول عدية بس مش هزعلك وليكي
كمان عيدية

اما رومنسي بقا
انا عارف انت بتحب ايه قوي
وهديك عدية جميلة بس يارب تعجبك


خلصت العديات
وكل سنة وانتم طيبين وعيد سعيد
ويارب السنة الجاية تيجيوا برضه تاخدو العدية
هههههههههههههه

أخطر لحظة في الحياة

منذ سنوات عديدة مضت كنت اجلس انا وصديقة في مدرج الجامعة في انتظار بدء المحاضرة
وكنت اجلس وانا امسك في يدي كتاب بعنوان قصائد انسانية وهو عبارة عن منتخبات من شعر شاعر الاسبانية الشهير قيصر باييخو وقد انتهيت من قرائته وفي حالة من النشوة الممزوجة بالحيرة فكلماته دائما ما تجعلني امر بتلك التجربة الغريبة مع النفس تجربة التزوق وكئن كلماته كشيء التقطه في حانة من حانات البيرو لها طعم غريب علي لسان شرقي
وهنا جاء سؤالها ما اكثر قصيدة اعجبتك في هذه القصائد
لم اصب بحيرة قلت في هوادة وتئني " اخطر لحظة في الحياة "
وظلت صامتة عابسة تنتظر المزيد ففتحت صفحات الكتاب ورددت وانا اوزع نظراتي بين عينيها وصفحات الكتاب واوجه الطلبة وبابا المدرج والرجل العجوز الجالس بجواره















قال رجل :
اشد لحظات حياتي حرجا كانت في معركة "المارن"
عندما اصبت بجرح في صدري
رجل اخر قال :
اشد لحظات حياتي حرجا
كانت في زلزال بحري في يوكوهاما نجوت منه باعجوبة
مختبئا تحت حافة خيمة من طلاء صيني
ورجل اخر قال :
اشد لحظات حياتي حرجا
تحدث عندما انام نهارا
وقال اخر :
اشد لحظات حياتي حرجا كانت في وحدتي الكبيرة
وقال اخر :
اشد لحظات حياتي حرجا كانت في احد سجون البيرو
وقال اخر :
اشد لحظات حياتي حرجا هي مواجهتي لابي جانبيا
وصمت لبرهة
فبادرتني
ما اشد لحظات حياتك حرجا؟
توقفت لدقيقة ثم حدثتها قائلا
ان اشد لحظات حياتي حرجا حين اوي للفراش ليلا
ارتسمت علامات الريبة والتعجب علي وجهها الصغير
فقلت وانا احدث نفسي
كل ليلة عندما تنطفء الانوار واجلس وحيدا مستسلما للنوم ياخذني عقلي لصراعات
وذكريات قديمة امقت ان اعاود تذكرها كل ليلة من ليالي حياتي لذلك احاول الهروب من الظلام والليل بالقرائة مع اشعال الشموع الخافتة او حتي سماع الراديو
وكانت الحقيقة ما قلت
لكنها لم تكن الحقيقة الكاملة فهناك ما لم اقله ربما لو عادت بي الايام ما كنت لاقله من جديد
لانها سر لا يستحق الافصاح عنه ربما لو عادة الكرة وسئلتني مجددا لقلت لها
اني كل ليلة حينما اوي لفراشي ويبدا في الدفء اشعر اني علي فراش الموت
وان هذه الليلة هي ليلتي الاخيرة وان كل ما ارتكبته في حياتي من اثام وفضائل
لا يعني شيء امام حقيقة انها ليلتي الاخيرة
ثم ابدا في التخيل ان هذا السرير قد نبت له اجناب من الخشب تحيط بجسدي
وتحتويه ثم يبلي الخشب ويصبح تربة الارض تضغط علي ضلوعي
لم يكن يفزعني هذا الخاطر خشية الموت فالموت قضاء الله ولا راض لقضائه
لكن هذا الخاطر حرمني متعة النوم لليالي طوال وجعلني اشعر وانا في قمة شبابي ومجدي
اني رجل اشيب حتي تلك الشعيرات البيضاء التي بدات في الاعلان عن نفسها في شعري
اصبحت دليل عن ما اعاني به في داخلي من هرم وتعب والم وعجز
لم ارد ان اخبرها بسري الصغير ولو عادت بي الايام ما كنت لاقله من جديد
او افصح به لاحد حتي نفسي
لكن ربما كنت لاسئل احدهم ما اشد لحظات الحياة قسوة؟
فهل من بينكم من هو قادر علي اجابة هذا السؤال العتيق؟

مشاعر لا تهتدي

من الصعب على الآنسان ان ينسى أشياء عزيزه عليه فقدها ...
وقلوباً أحبها ... فرقت الظروف بينه وبينها ..!!
ولكل أنسان قلب وعقل : قلب يحمل المحبه والوفاء...
وعقل يحمل ذاكره تحوي كل عزيز....
من الصعب على الاْنسان أن يعيش حياته بدون أحلام ....بدون امنيات ..
ومن الصعب أن يحتمل فقدان حبيب عاش لاجله ...
وعندما يفقد حبيبه فأنه يلجاء الى بلسم الجراح " الذكرى "
حينما يتذكر أشياء كثيره فقدها ...
يبتسم قليلاً ثم تنهمر دموعه على وجنتيه ...
ثم تهدأ نفسه لآنه يعرف يقينا ان البعد امر مستحيل
يعرف أن هذه الاْشياء التي عاش لاجلها لن تموت الا بموته
وان كانت ارادة الله علي غير هواه وكان الفراق امر اكيدا
فيكفيه عزاب النفس وبلسم الجراح الذكري
فيبتسم املآ وتفاؤلاً لإيمانه الشديد بأن القدر يخباء له الفرح الى جانب
الحزن والدموع ...
وان قلبه الذي احب بصدق لن يخيب امله
قد يلومه البعض ويلاحقه بكلمات مثل
غدا تنسي ما مضي والايام كفيله بالنسيان
لكن حبه اكبر من النسيان اكبر من الايام
هذا النوع من الناس موجود لاكننا لا نراه
مثل رجل اعرفه ماتت زوجته بعد عام واحد من زواجهم
رغم انه ماذال شابا صغير السن ولم تنجب له زوجته ابناء
لكنه لم يتزوج بعدها بعض الناس وصفه بالحمق وانه اضاع حياته
لكنني اري فيه النبل وحبه لوزجته التي عاش معها عام واحد كفيل بان يكون كافيا
لعيش عمرا كاملا علي ذكري عام من الحب
فالحب كالعطر تضعه في لحظه ويبقا اثره طويلا
وكلما كان عطرا معتقا نبيلا كلما دام اثره
وكلما مرت الايام تجد رائحته اكثر جمالا وسحرا ....
لا انسي ان اخبركم ان صديقي الذي توفت زوجته وهو في
الرابعه والعشرين من العمر عمره الان تجاوز الاربعين
اسمه نبيل
حتي اسمه يدل علي طبيعته

انا لها شمس....
وانا لها في....
وانا لها روح الجسد
في بدنها
يا ضي عيني
يا بديل عن الضي
ما اريد ضي لعيني
ان غبتي عنها

رصاصتين في الراس

كل سنة وانتم طيبين طبعا رمضان شهر الكرم والمودة والرحمة
لكن مش عارف المدونين بقوا ليه اشرار وبيبعتو لي التاج
وياريت تاج واحد دول اتنين ورصاصتين في الراس هههههههههه
وعلشان الموضوع مش يبقا اطول انا هدمجهم واحولهم لتاج واحد
لكن عايز اشكر المدونين الاي مش راعو ان رمضان شهر الخير والكرم
واهدوني التاجين دول
الاول للرقيقة عازفة الاوتار والثاني للاخت العزيزة ايمان غلطة مطبعية


الرصاصة الاولي
بدأت تدون امتى و دخلت عالم التدوين ازاى ؟؟؟
في الاول انا متابع للكومبيوتر وبستخدم النت من سنين فاتت
وقبل كدة كنت بشارك في المنتديات وكدة
وكان في منتديات بريق كنت فيها مشرف لمنتديات التنمية البشرية
وبعد كدة بقيت رئيس مجلس ادارة المنتدي
وده كان بالانتخاب بين اعضاء المنتدي
بس انا حبيت يكون في كيان مستقل بيه
وبدات مدونة انسان عاشق حر
طبعا مش دي الاي بين اديكم
لا كان في مدونة تانية اسمها نفس الاسم
وكمان بنفس العنوان الحالي
بس بصراحة رغم انها استمرت مدة طويلة لكن موضوعتها كلها كانت حزينة
وانا اشفقت علي نفسي من التدوين لان كل الموضوعات كانت بجد مفيهاش اي امل في بكرة وفي مرحلة ما لغتها ورجعت من جديد للتدوين بس بشكل مختلف ورسالة مختلفة

تانى رصاصة
ايه كان انطباعك فى البداية ؟؟

في المدونة الاولي
كنت بكتب وانا عارف ان محدش هيهتم ويقراء
لكن لاقيت ناس بتدخل وتعلق وتتفاعل
مع المدونة

اما في المدونة الحالية
فبجد انا مش مصدق قد ايه الناس اعجبت بالمدونة
مش بس التعليقات
لا كمان الاحصائات الاي بتبين قد ايه ناس من دول بعيدة بتدخل
وبتدقراء اكتر من بوست
وبتفضل مدد طويلة في المدونة
حتي لو مش تركت تعليق


ثالث رصاصة
مين اكتر واحد بتحب تعليقه على بوستك الجديد ؟؟

الحمد لله
انا بجد بحس ان في ناس متابعة بشكل قوي للمدونة وبتعلق باستمرار وده بيسعدني جدا طبعا في البداية احب اشكر حد من اول يوم دخل مدونتي وعلق
هي ضي القمر مش عارف ليه اختفت من عالم التدوين واخر تدوين ليها في مدونتها كلاكيت اول مرة تخطي الست شهور كمان احب اشكر سمايلي روز وسوفت روز
الناس دول من المداومين علي التعليق في المدونة
وكمان احب اشكر رومنسي وابو اريج اصدقائي
اما اكتر ناس فعلا بستني تعليقاتهم في المدونة
هما سفروتة وايمي طبعا دول بعتبرهم التيم التدويني بتاعي
وسعيد بان مدوناتهم قريبة جدا لمدونتي وبعتبر مدونتهم بيتي التاني فعلا

رابع رصاصة
ايه اهم حاجة اتعلمتها من عالم التدوين ؟
الصبر :)
انا طبعا بهزر
انا متعلمتش من مدونتي بس اتعلمت من كل مدونات المدونين
والاي اتعلمته كتير جدا وكمان اكتر من التعليم الاثر في النفس
لما ادخل اشوف موضوع رقيق من موضوعات عازفة الاوتار
او خفة دم في مدونة سكوبي زي ما عودتنا سفروتة
او كلمة جميلة ومعني راقي في كل المدونات الاي بدخلها

خامس رصاصة
حاسس ان التدوين له تأثير ؟
التدوين عندي بصراحة جريمة انا كلامي ده غريب انا عارف
بس انا برتكب معاه اكبر جريمة في حق مشاعري
لاني بكشفها للناس في الوقت الاي هي مفروض تبقا شيء خاص جدا لا يستحقة الا شخص واحد
انتظره طوال عمري علشان كدة موضوعاتي دائما فيها ميل للرمز وفي حجات فيها مش واضحة خاصة موضوعات الاي تحت تصنيف فضفضة
لان كل موضوع فيها بجد عبارة عن مجموعة رموز سياتي يوما من تكشفها باذن الله

سادس رصاصة
أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟

طبعا الاحلام في حياتي مش ليها حدود
لاني من الطفولة عشت بين الخضرة والانطلاق والافق الواسع الرحب
علشان كدة من الطفولة كانت ليه احلام كلها تحمل صفة الجنون
وده اجمل ما في الاحلام
زي اني ابقا رئيس الجمهورية زي ما قلت في موضوعات سابقة
واني ابقا قبطان بحري واعزف علي اوتار الرومنسية واغازل الطيور وقت الغروب
وادوب عروس البحر بنار حبي وصدق مشاعري
هههههههههههههههه
وحلمت برضه وانا طفل اني ابقا انسان مجنون واني اعيش في مستشفي الامراض العقلية بقيت حياتي وانا مش عارف انا هنا ليه ولا حتي بفكر كان ايه السبب
وكمان حلمت ابقا مهندس واحقق لبابا امنية حياته
لكن اخواتي حققوها الحمد لله وانا بقيت نفسي

سابع رصاصة
أذكر 5 أحلام على الأقل تخص مستقبلك ؟

بحلم بالاسرة الصغيرة الاي تشاركني فيها انسانة تفهمني وتحس قد ايه انا بحبها
وهحاول طول الوقت اسعدها واساعدها في تربية اطفالنا الصغيرين
ونعيش سوا حياة البيت العادية نشوف المسلسل ونروح سينما ونصلي جماعة
ونعيش لحظات صعبة ولحظات جميلة نعيش الحياة بكل معنيها سوا
كمان بحلم بالبوم صور
اتمني في يوم املكه كل صفحة فيه حلم
افتح صفحاته في يوم وقت الغروب
اشوف في الصفحة الاولي صور تامر الطفل بين بابا وماما
والصفحة التانية صورته مع شريكة حياته بفستنها الابيض الجميل
والصفحة الثالثة صورة بيبي جميل عايزة ياخد مني شعري ولمعة عنيه وياخد ما ماما الباقي ويبقا ليه عقله وشخصيته المستقله
والصورة الرابعة صورته مع شريكة حياته واحنا حواليه
والصفحة الخامسة ومنتهي احلامي
صورة اسرتنا اسرة تامر الحسيني الاولاد والاحفاد وست الكل مراتي وهي جنبي منورا الدنيا
وواقف ورانا زوجاتي الثلاثة التنيين
:)
علشان الحسد

ثامن رصاصة
أذكر شخصين على الأقل متواجدين في حياتك حاليا .. كنت تود وجودهم قبل الآن بزمن ؟
هما مش اتنين بس هما كل الناس الاي حواليه وبحبهم وبيحبوني وبيتمنو ليه الخير
تخيلو يا جماعة انا اكتر شي بحسه في حياتي هو حب الناس لية
بجد نعمة كبيرة قوي بالذات البنات هههههههه

تاسع رصاصة
أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟
هما مش شخصين هما شخص واحد بس
موجود في حياتي بس مش بالصورة الاي اتمناها انا عايزه يبقا موجود في كل حاجة في حياتي
في كل شيء حوالية يبقا موجود فيها زي هو مهو موجود في احلامي وافكاري وكلامي دلوقتي


علي من تطلق هذا الرصاص؟
احب اطلق الرصاص ده علي
سفروتة
رومنسي
Smilyrose
طوبة دهب وطوبة فضة
عمرو وجيه
المبرمج المحترف
وطبعا الباب مفتوح لكل واحد يقدر يستحمل الرصاص

أمساكية رمضان

كل سنة وانتم طيبين

انا جيبت ليكم مواعيد الصلاة وامساكية رمضان اهه
علشان محدش يبقا عنده حجة ويفوت الصلاة
ربنا يجعل رمضان شاهد لنا لا علينا
ويتقبل منا جميعا

كل سنة وانتم طيبين
ورمضان كريم

نوستولجيا

نجد أنفسنا ما بين ,وقت واخر - رغما عنا- نسافر إلى أعتاب الزمن الماضي الجميل ونتوق إلى استحضار تفاصيله واستدعاء حكاويه والانطواء تحت جناحي براءته وعفويته .. واللجوء إلى دفئه وحميمته !
فلا تستطيع حتى أعيادنا ومناسبتنا السعيدة استدعاء الفرح بقدر ما توقظ في أنفسنا رغبة في السفر لأحضان الماضي فنهرع إلى صوره نستدعيها وتفاصيله نستحضرها ونلملم أطرافها لعلّها تمنحنا تلك السعادة الضائعة والأمان المفقود .
أن النوستالجيا ظاهرة مرتبطة بالإنسان في كل مكان وبرحلته وخطوات سيره في رحلة الحياة الشاقة ، ولعلّها قديمة قدم وعي الإنسان بذاته وبالمراحل التي يمر بها طفلا وشابا وشيخا ، فهو يدرك أن لا شيء يبقى على حاله وأن الشباب لا يدوم وأن المرض والكبر والفناء يلاحق الإنسان حيث لا مفر ولا مهرب !
فالحنين إلى الماضي الجميل في الحقيقة ليس إلا حنينا للنفس في أبهى حالاتها وفي أغنى وجوهها وأكثرها حيوية وبهجة .. وحنينا للماضي ليس إلا حنينا لأنفسنا وقد صفت من المكدرات وراقت من الأحزان .
ولكل نفس إنسانية أحافير فرح ونقوش بهجة تلتصق بجدار الذاكرة منذ أن يعي المرء وجوده في هذه الحياة ومنذ أن يدرك الإنسان ذاته ! فلهذه الظاهرة علاقة وثيقة بالذاكرة وأهميتها في تكوين وجدان الإنسان ، وبارتباط الطفولة بالدهشة والقدرة على اقتناص الفرح ونهشه من بين براثن الملل والرتابة دهشة الطفولة التي تسبغ على الأشياء ألوانها
المبهجة والقادرة أبدا على استخلاص البسمة حتى من أعمق ثنايا الأحزان والهموم فذلك الفرح يسكن دوما على ضفاف تلك النظرة الطازجة التي ترى الأشياء وكأنها تراها لأول مرة !! ولعل الأسعد حظا منا هو ذلك القادر دائما على استدعاء الطفل القابع داخله ليلهو ويمارس لعبة الحياة بعمقها ومدها وجذرها وأبعادها المختلفة .
وجه آخر من الصورة يكمن في الحياة المعاصرة التي أصبح فيها الإنسان ترسا في آلة تستهلك آدميته وإنسانيته حياة يشكل الركض والجري في أروقة الحياة العنصر الأهم فيها !! ويلعب فيها التنافس الشرس والتسابق المحموم على التميز والنجاح دورا رئيسيا يجعل حياة الإنسان مرجلا ساخنا قادرا دوما على نفث دخان القلق والمخاوف والهواجس فتلقي هذه الهواجس بظلالها على الإنسان فتعبث بسكونه وإطمئنانه وتقلص قدرته على الإحساس بالفرح .
تغير أساليب الحياة وطرائق معيشة الإنسان الفطرية والبسيطة وميلها للتعقيد والتركيب ساهم في ابتعاد الإنسان عن الطبيعة ومنعه من التواصل المباشر معها ، بما يحققه ذلك التواصل من أحاسيس عميقة بالجمال والسلام وقدرة على النفاذ إلى عمق الأشياء . ففقدان التواصل مع عناصر الطبيعة يحجم الفرح داخل الإنسان ويحوله هو ذاته إلى آلة رتيبة تعيد إنتاج الأحداث يوما بعد يوم بتكرار وملل!! وربما يكون أكثر الناس سعادة هو الذي يشعر بتوحده مع الطبيعة وعناصرها من خلال تماسه معها واحتكاكه بها، ومن خلال محاولته لإعادة الصلة بها وتجديد العلاقة معها سواء كان هذا التواصل ماديا حقيقيا أو عبر الفن والأدب الذي لا بد له أن يستخدم الخيال ليحقق هذا التواصل!
رغم أن النوستالجيا ظاهرة إنسانية ولكنها تزداد وتشتد حدتها عندما يكون الحاضر بائسا وتعيسا
فحنين الانسان للماضي اصدق تعبير عن قسوة الحاضر وعن شعوره بانه في حاله من الضياع وانه
في حاجه للحظه دافئه في حاجه لبسمه صادقه في حاجه لحب مفقود او حب صادق
اما النستولجيا في حياتي فترتبط بالبراءه
مع كل موقف يستعيده خيالي من طفولتي ومع كل حاله وجدانيه تعيدها الايام امام عيني
اكتشف اني كنت اكثر سعاده كنت اكثر بهجه كنت اكثر براءه
حتي من حولي يكتشفون اني عندما احب ان ابتسم اذكر الماضي باحداثه السعيده وحتي الاليمه
فكم من مواقف صعبه مررت بها لكني اراها الآن ذكري جميله لانسان اجتهد وتعب لاجل شيء آمن به
وصدقه وحينما تنظر للماضي بنظره شامله متفحصه تكتشف ان حياتي دائما كانت كاسنان المنشار
ولمن لا يعلم الكثير عن اسنان المنشار فهي ترتفع ببطء شديد حتي تصل الي اعلي نقطه ممكنه
ثم تهوي من جديد للاسف لاحساس قاتم وتصوير شديد الواقعيه بحالة ضياع وياس وجداني شديد
ولكن يبقا الامل والايمان هو اخر ما يجب ان اتحلي بهم وابدأ من جديد
هكذا كانت حياتي السابقه
ولكني اتمني للمستقبل الكثير اتمني ان تنتهي بي حياتي الي شكل اخر من الدفء
شيء يرجعني الي بهجتي الحقيقيه التي اهرب من واقعي لاشعر بها في كنف النستولوجيا
ولهذا خطواتي القادمه ستكون اكثر حزرا واكثر هواده حتي لا تدفعني مشاعري المتخبطه للدخول من جديد
لارتفاع جديد يتبعه سقوط جديد
ويبقا الحنين للماضي والشوق اليه رمز اعبر عنه في كثير من جلساتي الخاصه عندما اتحدث لمن احب
عن تامر هذا الطفل الصغير الذي كان كالطيف واصبح الان كالظل
ويوما ستحوله الايام الي صورة يحلم بها الان ويتمناها لغده القادم
لا اعرف لماذا تكتسب كلماتي طابعا حزين لا اقصده لكنها مشاعري تدفعني دائما لهذه الحاله من الشجن حين اعبر بتفكيري للماضي ثم استرجع الحاضر لتغمرني احلام المستقبل
لكني مدين باعتزار فاني طوال الوقت اسخر من مشاعري او اصبغها بصبغه غير حقيقتها
فقد اكتب في موضوعاتي عن السعاده وانا في شدة الحزن والالم
وقد اكتب عن النجاح وانا اتجرع طعم الفشل وكثير مما اكتب من طلاسم والغاز لمعني خفي اخفيه عن عيونكم
لكني اعلم ان يوما سياتي ويعي شخص ما كل حرف انطق به ويدرك كم كان الماضي جميلا
وكم سيغير هو ان شاء الله مستقبلي باكمله والي ان ياتي هذا الحلم الجميل ابقا مع الحنين لماضي عشته وكنت فارسه الذي خاض بطولات لا حصر لها من اجل يوم ياتي ويستعيد فيها شيء من ماضيه في براثن النستولجيا
وانا اكتب كلماتي هذه او بالاصح وكلماتي هذه تكتبني اعيد الي سمعي كلمات سحريه
هي الاقدر عن التعبير عن نستولجيا تملئني

ايام زمان كنا حبايب كلنا
ايام زمان كانت قلوبنا لبعضنا
كان صوت حزين او طفل باكي يهزنا

دلوقتي ليه احساسنا راح من قلبنا
الضحك صام والدمع نام فوق جفننا
والزكريات هي الحقيقه في عمرنا
واذاي يا ناس ايام زمان ترجعلنا
يطلع نهار من قلب ليل ويقولنا

بادينا نعرف هو ايه معني الحياه
بالعقل يرجع الاي فات ونعيش معاه
نمشي في طريقنا خطوه خطوه بالضمير
ده لسه في جوانا حلم نروح وراه

الحلم صوت انسان حقيقي في دمنا
انسان ضمير بيصحي لما يحسنا
بعلو صوته ينده يناجي ربنا
كل الاي فينا حلو تاني يعود لينا

بادينا نعرف هو ايه معني الحياه
بالعقل يرجع الاي فات ونعيش معاه
نمشي في طريقنا خطوه خطوه بالضمير
ده لسه في جوانا حلم نروح وراه

وبعدين؟

هتعمل أيه لو نمت يوم
وصحيت
وشفت نفسك في المرايه
بكيت !!
جواك سؤال تصرخ تقول
أنا مين?
أنا زي ما أنا
ولا اتقسمت أتنين?
وبعدين?
قول يالي في المرايه
فهمني ايه الحكايه
فرحان?
تعبان?
مرتاح?
ندمان?
حجات كتير في حياتنا
أتسببت في حيرتنا
وادينا عايشين
راضيين
جايين وريحين

هتعمل ايه
لو نمت يوم وصحيت ولاقيت
اقرب ما ليك في الدنيا مش حواليك?
هو انت مين الاي عمل كده فيك?
مش أنت
ولا في حد غمي عينيك?
وبعدين?
قول يالاي في المرايه
فهمني ايه الحكايه
فرحان?
تعبان?
مرتاح?
ندمان?
حجات كتير في حياتنا
أتسببت في حيرتنا
وادينا عايشين
راضيين
جيين وريحين

The Moment of Truth

الكذب للاسف اصبح من مكونات حياتنا اليوميه
فانت مطر دائما للكذب حتي تنجو بنفسك من مواقف كثيره قد تضر بك بشكل ما
انا هنا لا ابرر الكذب فالحمد لله عقيدتنا الاسلاميه وديننا الاسلامي يجعل الكثير منا يحاول طوال الوقت
ان يتحري الصدق في معاملاته لكن للاسف انتشرت مفاهيم مثل الكذب الابيض
والفوشيا و الكروهات لكن يبقا الكذب شيء نحاول تجنبه

لكن في بعض الاوقات يكون في حياتك بعض الاسرار او الاشياء الشخصيه التي تحاول ان تخفيها عن الاخرين
ولذلك قد تطر للجوء للكذب او حتي بفرض انك كذبت في شيء ما
دون مبرر قوي
فهل لديك الشجاعه للاعتراف بكذبك امام من كذبت عليه
هل يمكن ان تقف امام شاشات الفضائيات لتعلن انك كذبت بشان شيء ما
هل يمكن ان تقف لتعترف انك خنت زوجتك
او انكي كنتي تفضلين الارتباط بشخص اخر غير زوجك
او علي الاقل الاعتراف بانك كنت تسرق الشركه التي تعمل بها
او انكي اطررتي للغش في الامتحان لانكي تخشين الفشل
او انك مريض بداء السرقه وتسرق اصدقائك المقربين دون ان يشعروا بذلك

هل تستطيع ان تقف وتعلن امام نفسك وامام العالم كله
انك انسان كاذب او غشاش او منافق او خائن

قد يبدو هذا امرا مستحيلا
لكن امام المال قد يبدو ممكنا

هذه هي فكرة البرنامج الاشهر الان عالميا
The Moment of Truth لحظات الحقيقه

هذا البرنامج الامريكي الذي يوضع فيه الضيف علي كرسي كشف الكذب
وامامه اسرته والمقربين له والعالم كله يشاهده و يخضع لاختبار كشف الكذب أثناء اجابته عن 21 سؤال فاضح
على 6 مراحل فى المرحلة الأولى 6 أسئلة المرحلة الثانية 5 والثالثة أربع وهكذا فى المرحلة الأولى بعد
اجتيازها يحصل المتسابق على 10 آلاف دولار والثانية 25 ألف والثالثة 100 ألف وهكذا حتى الجائزة الكبرى
نصف مليون دولار وفى كل مرحلة تزداد سوء الاسئلة وأنا أعنى أن الأسئلة تزداد سوءاً فعلاً .
هذا البرنامج قد يبدو للوهلة الاولي مجرد برنامج تافه
لكنه في الحقيقه برنامج هام جدا لانه يكشف عن اسرار وخبايا النفس البشريه ومدي سطحية العلاقات بين البشر
هل تصدق ان احدي الحلقات قد ادت لانفصال زوجين وتشريد اسره سعيده
هذا البرنامج يمثل خرق حقيقي للذات البشريه ويفضحها
ويفضح مدي ضئالة المجتمع الغربي وتفككه
حيث يكشف المتسابق عن أشياء خطيرة جداً فى حياته من أجل المال ، ولك أن ترى المسرحية الأمريكية
الهزلية المعتادة حيث تجد فى النهاية ان الجميع سفلة ومنحرفون ، ويكشفون عن ذلك من أجل الفوز بالمال
ومن المعروف أن كثيراً ممن دخلوا البرنامج خسروا كثيراً ولا أعنى المال وإنما خسروا علاقاتهم سواء الزوجية أو
العائلية بسبب بعض الاجابات .
لكن الغريب في الامر ان هذا البرنامج يستعد الان للانطلاق بالنسخه العربيه منه

فهل انت مستعد لان تجلس علي هذا الكرسي والعتراف بخبايا نفسك مقابل المال? لا تتسرع في الاجابه

تامر الحسيني رئيسا للجمهوريه

كنت في الطفوله بحب اسمع خطب الرئيس مبارك وكنت مهتم قوي بالسياسه
وبحب اتابع جولات الرئيس وافتتاحاته وحفلات تخرج الكليات العسكريه
مش عارف ليه حلمت وقتها اني ابقا رئيس جمهوريه وقعدت احط سنريوهات لو دخلت الكليه الجويه وبقيت طيار
زي الرئيس مبارك بعد كده هترقي وابقا رئيس :) طبعا خيالات طفوليه
بس مع الايام لما كبرت وجت حرب الخليج فكرت ان الرئاسه في مصر مش حاجه كبيره
وبعدين هتعب نفسي ليه ما هو الرئيس مبارك هيفضل الرئيس يبقا ادور علي سكه تانيه
قمت حلمت اني ابقا رئيس الولايات المتحده الامريكيه متستغربوش
امريكا اصلها بلد الفرص والسناريو كان اني اهاجر لامريكا واخد الجنسيه وبعد كده اترشح للكونجرس وابقا سينتور
وبعد كده هلاقي نفسي مرشح للرائسه بقدرة قادر وافوز طبعا واعيش في البيت الابيض
بس فكرت لما امسك الرئاسه اغير لونه اخليه ابض في فوشيا مش بقولكم احلام طفوله
بس مع الايام راحة الاحلام وفضل الواقع لحد ما جه موضوع الغلطه المطبعيه الاي اسمها ايمان
صحت الحلم القديم تاني ولاقيت نفسي قدام سؤال مهم لو بقيت رئيس جمهوريه هعمل ايه
طبعا سؤال صعب قوي اصل انا مش هعمل المستحيل الاي محدش عرف يعمله
بس لما فكرت شويه شويه كتير
فكرت في اول خطاب هيوجه للشعب المصري بعد تولي الحكم

بسم الله الرحمن الرحيم
والصلاة والسلام علي اشرف المؤمنين سيدنا محمد عليه افضل الصلاة والتسليم

الشعب المصري العظيم انه من دواعي سروري وعظيم فخري ان اكون قائدا لهذا الشعب العظيم
هذا الشعب الذي عاني علي مر تاريخه الطويل ويستحق الان ان ياخذ حقه
واسمحوا لي ان اتحدث اليكم بالبلدي
علشان ابسط واحد في البلد دي يفهمني لانه اهم شخص عندي
انا طول عمري منكم ومش بفكر غير فيكم واقدر اقدر مشاكلكم واعرف احتياجتكم
بس انا مش بوعدكم بالجنه لا انا مش هقدر اعمل كتير
مش هوعدكم اني هنزل الاسعار ولا هزود الدعم علي رغيف العيش
ولا هوعدكم اني هخلي مصر ترجع زي زمان اجمل بلاد الدنيا
لاني مش هقدر اعمل كل ده
بس انا بوعدكم اني هخليكم تقدروا انتم تعملو ده
مش همنع حد يقول رايه واهم شيء عندي
وسبب وجودي هنا في المنصب ده هيكون موجه لشيء واحد
انا عارف انه اهم من الاكل والمواصلات والبطاله
انا اوعدكم اني هحافظ علي دم المصريين وارواحهم
واني مش هرحم اي حد يعتدي علي دم مصري وهخلي المصري يرجع بجد
اغلي انسان وكرامة اصغر مواطن في مصر هتبقا زي كرامتي
وبوعدكم مش هسمح لحد يستبيح دمائكم في البحر ولا ياثر مصريين او يحاكمهم في بلاد اجنبيه
بشكل ظالم ولا هتساهل مع اي حد يستبيح دماء المصريين
وخلينا نبتدي سوا بالنقطه دي ونكمل سوا طريقنا للحريه والليبراليه
وشعار مصر حره لازم يكون مصر بلد حره لشعب حر
والله الموفق الي ما فيه الخير

تامر الحسيني
رئيس جمهورية مصر العربيه

ههههههههههههههههه
اتمني البيان بتاعي وخطابي للشعب يكون عجبكم
لو عجبكم ممكن تصوصتو لي في الانتخابات الرائسيه الجايه
بس الاي يشوف اني مش اضفت في خطابي يبص لحال مصر اليوم
هيلاقي محكمة سفاجا بتحكم بالبرائة علي اشخاص ساهموا في قتل 1035 مصري
تخيلو كل دول قتلي العباره المنكوبه ويتحكم ليهم بالبرائة لو شفتوا رد فعل اهل الضحايا علي الحكم
مش ممكن تصدقوا الاي بيحصل في مصر وقد ايه دم المصريين رخيص
علي المصريين وده يخلي كل يوم قتلي علي الحدود من الشرطه والجيش وحتي اسرائيل لا تقدم اعتزار علني
اسرائيل الاي قامت بحرب كامله لاجل جنديين من جنودها ومكنتش تعرف عايشين ولا ميتين كمان
وتخيلو ان بعد كل السنين دي لسه في مصريين في المعتقلات الاسرائيليه لحد اليوم
املهم الوحيد ان حزب الله يعمل صفقه ويطلعهم
وطبعا مصر نايمه في العسل كرامة المواطن من كرامة البلد

ابدأ

ابدأ
أنت المبتدأ ومنك المنطلق

حاول أن تنجح في إدارة ذاتك وفي تعاملك مع نفسك
فإن الله لا يغير ما بقوم حتى يغيروا ما بأنفسهم
ثق بنفسك فعدم الثقة يؤدي إلى التكاسل عن الخير
لأنك ترى نفسك ضعيفة ودونيه والثقة بالنفس لا تكون إلا بالثقة بالله عز وجل .

ابدأ ........بثقتك في نفسك

تعرف على المميزات التي بداخلك وكيف تستخدمها .
لا تربط نفسك بمجال معين .
افتح عقلك في اكثر من أمر وأكثر من مجال .
استعن بالأصدقاء الذين يصدقونك القول ( يبينون لك أنك مبدع في هذا المجال وأقل في المجال الآخر ) .
استعن بالمعلم سواء في المسجد أو المدرسة أو الجامعة .
ردد الكلمات اللي تدفعك للنجاح مثل ( أحاول – أتعلم – أفكر )
ولا تردد الكلمات المثبطة ( لا اقدر – لا استطيع ) .

ابدأ .......... بادارة ذاتك

حدد نقاط القوه لديك
خذ ورقه واكتب فيها المميزات والقدرات التي لديك
وإذا أردت أن تعمل قارن هذه المميزات والقدرات بالعمل الذي تقوم به .
ولعل بعض الناس ليس لديهم نقاط قوة ( هكذا يحدثون أنفسهم ) نقول لهم نعم
ولكن هل بحثت ووجدت بذرة خير صغيره في داخلك
نعم بالتأكيد لديك بذرة قوة .. تعدها بالسقي والتنميه، وستصبح نقطة انطلاق لنفسك ،
لا تهملها ، لأنها إذا توقفت عن النمو فهي توقفت عن الحياة ..

ابدأ..........طور نفسك

بعد تحديد نقاط القوة عندك ، انتقل إلى المرحلة القادمة وهي طور نفسك
وذلك بالترقي والتدرج والثبات ، لا تكثر على نفسك ثم تنقطع
مارس دائما ولو فشلت .. فالفشل يبقى في الماضي وأنت في الحاضر .
والنجاح الكبير ثمره من ثمار الفشل الكبير

ابدأ.......تخلص من عيوبك

لكل إنسان عيوب وهي تحد من النجاح..
اعترف بعيوبك ، اكتب النقائص التي فيك على ورقه مثل :
استعجال – عدم الثقة في الآخرين – إفراط في الثقة في الآخرين .
ثم ابدأ بعلاج نفسك ..
واعلم أن سعيك بإصلاح نفسك والقضاء على نقاط الضعف هي من أعلى نقاط القوه فيك
وهي البداية الصحيحة .. (ومن صحة بدايته صحة نهايته ) .

ابدأ..........بالإرادة الصلبة

الإرادة هي القوة الخفية لدى الإنسان وهي تعني اشتياق النفس وميلها الشديد إلى فعل شيء ما
وتجد أنها راغبة فيه ومدفوعة إليه
الإرادة قوة مركبة من = رغبة + حاجة + أمل
للإرادة شروط :
تحديد الهدف .. حدد هدفك وبين وجهتك ، وليكن هدفا عاليا وتصور هدفك .. أي تصور أنك حققته
الثقة بالنفس
تخلص من أمراض الإرادة :
فقدان الاندفاع ( لا تجد حافز للاندفاع ) .. فأنت في البدايه
والبدايه بلا دافع تصبح نهايه
العقل خلق ليعمل وليس ليهمل

ابدأ..........شد خيوطك

لقد وثقت بنفسك أخي العزيز ثم طورت نفسك وتعرفت على عيوبك .. الآن شد خيوطك ..
أنت شخصية مستقلة لك كل الحق في اتخاذ قراراتك بنفسك وان تثق في قدرتك
وان تتحرك وحولك هاله يشعر بها كل من حولك وكل من يستمع لك او حتي يعرف عنك
وان تجعل نفسك مركز لكل من حولك ونقطه يقف عندها الاخرين
فهذه ثمرة نجاحك ثمرة ثقتك بنفسك وادارتك لذاتك وتطويرك لنفسك وتخلصك من عيوبك
وتمسكك بالاراداه الصلبه التي تخلصت من امراضها بالتحلي بالدافع لكل ذلك

وليكن الدافع هو نقطة البدايه
اعرف دافعك
تمسك به
احلم به واجعله املك في الغد
وبقدر تمسكك به بقدر نجاحك لتكون هذا الشخص المميذ
لكي تقف وتقول انا انسان ناجح واستحق من الدنيا الكثير
وهي لا تبخل علي بشيء

هناك علي بعد خطوات من مكانك هذا ارض جميله اسمها ارض النجاح
انتظرك فيها وينتظرك فيها كل المميزين لكهم ينادونك ان تاتي معهم فطريهم هو الطريق
الي السعاده هي بضع خطوات قليله وتصبح معنا فهل تخطوها
الاجابة عليك

تاج ....تاج ......تاج

لي وجهة نظر غريبه بالسفاريت فيهاالكثير من التناقض خاصه ان نشات السفاريت كانت من خلال موضوع ضد الرجال ولاني متعصب للرجل كان يجب ان اعلن نفسي مدون ضد السفاريت
فوجئت بعد ذلك باعلان محاكتي من قبل السفروتات لكن في الوقت الذي كنت في علي اتم استعداد للمواجهة معهم قررت اعلان السلام (سلام الشجعان )
ووقف الحرب ضد السفروتات حتي جائني هذا التاج من السفروته نوري
هي كده تقريبا دبستني بس انا هدبسها واقبله بترحاب شديد جدا واشكرها عليه
واوعدها طول فترة اعتلائي العرش اني هجاوب علي كل الاسئله بصدق شديد
قبل ان امرره لغيري من المدونين


اولا: اذكر اسم من دبسك في هذا الواجب
المدونه العزيزه نوري احد اعرق المدونين(سنه اولي تدوين :) ) المنتسبين للسفروتات

ثانيا :اذكر القوانين المتعلقة بهذا الواجب
بصراحه مش فاهم يعني ايه قوانين الواجب دي الاي عارف يقولي وانا في التحديث اجاوب
هههههههههههه

ثالثا:اذكر ستة اسرار قد لا يكتشفها من يقابلك للمرة الاولي
في الواقع هذا السؤال نسبي جدا فقد يكتشف بعض من يقابلني للمره الاولي صفات لا يكتشفها البعض الاخر فالموقف هو من يحدد طبيعة شخصيتي فيه وبالتالي الانطباع الذي سياخذه الاخر عني وما لا يستطيع اكتشافه لكن في الغالب معرفتي بالناس تاخذ منحي غريب شيء ما فا الثمه الاساسيه لكل علاقاتي انها تبدا بهدوء شديد ثم تبدا بالتوهج بعد ذلك
فا انا من النوع الذي من الصعب ان تحدد له ملامح معينه من الوهلة الاولي الا اذا كنت انا من يحاول اظهار بعض طبيعتي لمن يحدثني وهذا نادرا ما يحدث


رابعا : اذكر 16 صفة عن نفسك
قد تتعجبوا ان قلت صفات متناقضة فطبيعة الانسان البشري التناقض بحكم النفخة الربانيه التي كونته
لهذا يحمل الانسان دائما في مكوناته الخير والشر فلا هو خير بالكامل او شرير بالكامل

اما عن صفاتي الشخصيه
فلاني اخجل من ان اتحدث عن صفاتي ساذكر الصفات التي شعر بها من حولي وحدثني عنها

ثقة عاليه واعتزاز بالنفس
هذه الصفة اشترك في اكتشافها الكثيرين
وذلك من واقع تعاملاتي معهم ولاني دائما اتعامل مع الاخرين باحترام فلا اقبل اي معامله جافة من الاخر او ان اوضع يوم ما في تنافس مع شخص اخر علي شيء ما اريده
في هذه الحاله اقف بعيدا عن هذا التنافس وانتظر الي ان ياتي ما اريده لي من نفسه
وقد يشعر البعض بثقتي بنفسي من تعاملاتي التي اكسبتني تجاربي في الحياه بقدر عالي من الثقه وانا اواديها

الرومنسيه
هذه الصفه اشار لي الكثير بها خاصه من يقترب من اكثر في حياتي الخاصه
ودائما عندما اصبح وحيدا احب ان اضفي طابع رومنسي لحياتي فقد اشعل الشموع واسمع للموسيقي وانتظر القمر كل شهر في ليل الرابع عشر من عمره لكن في الغالب هذه الرومنسيه لا تظهر امام كل الناس بل المقربين جدا او المتتبعين لي دون علم مني قد يشعرون بذلك خاصه من نظرة عيني

الحزن
كثير جدا من الناس سئلني عن سبب الحزن في عيني في الواقع لقد عشت فتره في حياتي حزينه جدا هي سبب هذه النظره وهي ايضا التي علمتني ان افرح لان الفرح شيء غالي جدا ولهاذا انا انسان حزين عندما اجد السعاده لا اتخلي عنها

التحديد
وهذه الصفه التزم بها وهي ان احدد كل شيء حولي ولا ادع مجال للظروف لتغيرها
بمعني اني اخطط لحياتي واحدد اهدافي وارسم خطط للوصول لهذه الاهداف واحاول بشتي الطرق ان احقق هذه الاهداف وان اتحكم في كل الظروف المحيطه والتي في بعض الاوقات تطرني لتغيير خططي لكني اتعامل مع اي ظروف بمرونه شديده حتي تنتهي واعود لاحقق ما اتمني
وكم من عائق في الطريق لكن تزل العوائق وابقا في النهايه لايماني بقدرتي علي تحقيق اهدافي

الهدوء
هذه الصفة غالبه علي معظم تصرفاتي فا انا انسان غير عصبي بالمره ولا انفعل بشده في غير المواقف الحاسمه ولا اغضب بسهولة وان حدث لا اتعامل مع الغضب بالصوت العالي او بفعل غير متزن بل ابقا صامتا هاديء حتي استطيع ان اخرج من اي موقف يواجهني

القسوه
الكثير من من يتعامل معي لا بشعر بهذه الصفة فرغم رقتي الشديده ورومنسيتي العاليه
الا اني انسان قاسي جدا وقد اقرر حرمان نفسي او من اتعامل معهم من السعاده
والقسوه عندي تاخذ طابعا قسوه مع نفسي فقد احرم نفسي من شيء احبه جدا لانني قررت ذلك
وقسوه مع الناس فقد اغضب من تصرف ما لشخص ما يوكون رد فعلي كما اشرت سابقا غير عصبي
فا انا ابقا صامتا وقد انطوي علي نفسي وابعد عن هذا الشخص وابقا صامتا لمده طويله قد تجعل هذا الشخص ياتي لي والدموع في عينيه يطلب مني ان اسامحه وهذا الموقف حدث لي مرات عديده
واحب ان اوكد مره اخري لا يشعر بهذه الصفة سوي القلائل لانها لا تظهر الا في الاوقات الصعبه

التسامح
الحمد لله انا انسان متسامح لا احمل ضغينه لاحد واسامح كل من يخطء في حقي
الا في بعض الامور مثل الكبرياء والكرامه والمشاعر فقد انهي قصة حب جميله عشتها لسبب
يتعلق بكبريائي وكرامتي ومشاعري

هذه الصفات التي ذكرتها هي كل الصفات التي اشعر بها وذكرها لي الناس من خلال تعاملي معهم
لاني اري ان رايي في نفسي او الصفات التي اكتب عنها بنفسي ليست الوسيله لاكتشافي بقدر اهمية
راي الاخرين في شخصي
ولهاذا اطلب من كل من تعاملت معه وشعر بصفه في شخصي لم اذكرها او يحب ان يوضح عنها فليذكرها

خامسا : مرر هذا الواجب الي ستة مدونين
احب ان اهدي هذا التاج الي

smilyRose
ضي القمر
رومنسي
وهكذا احب
وبنوته مصريه
مذكرات طفل كبير