Wednesday, July 16, 2008

حكومة رد الفعل

دائما للاسف اشعر ان الحكومة حكومة لرد الفعل لا تقوم باي فعل الا ردا لفعل وللاسف الفعل ده بتبقا مصيبة
يعني تامن المناطق السياحيه لما يضربها الارهاب تعمل مشروع لتطوير السكة الحديد لما القطارات تتحرق بالناس
تعمل قواعد لسير العبارات وشروط لاستخدامها لما تغرق بالاف المصريين وهكذا وهكذا
واكبر اثبات علي صحة كلامي هو الكارثة الاي بيتعرض ليها كل الناس دون ان يدري احد
حيث تسبب كسر في أنبوب التغذية الرئيسي بمازوت مصنع أسمنت حلوان في تسرب كميات ضخمة من المازوت علي سطح النيل، وانتشار بقع من الزيت تم ملاحظتها في المنيل، ومنطقة الساحل مش هي دي بس الكارثة الكارثة الاكبر اذاي انبوب نقل سموم يبقا ماشي في النيل ومعرض للكسر ده معناه ان ممكن بين ليلة وضحاها ان مصدر الخير وهبة مصر النيل يتحول لنهر من السموم الكمية الاي اتسربت مساحتها 2 كيلو متر من المازوت علي سطح المياه انتم متخيلين الموقف
المازوت اتسرب في حلوان ناحية المعصرة ووصل للمنيل والساحل
كل ده والحكومة تغط في ثبات عميق ولما فائت كان اول تصريح هو ان الحادث لن يؤثر علي مياه الشرب
وده طبعا تصريح سياسي لان بعدها بساعات تم قطع المياه في عدة احياء من القاهرة والمشكله مش في الاحياء الاي اتقطع عنها المياه المشكلة في الاحياء الاي مش اتقطع عنها المياه لان تسرب المازوت لمياه الشرب
بيودي الي الاصابه بالفشل الكلوي وسرطان الدم وامراض كتير جدا مش بعيده عنا بفضل الحكومة المصرية المبجله
للاسف الحكومة مش بتعمل الفعل دي دائما بتشتغل علي رد الفعل وياريت رد الفعل رد فعل بجد
تخيلو الحكومة تصدت للبقع دي بايه
اقل ما يستحق حادث زي ده عمل اي نوع من الشباك المغناطيسيه او عمل سدود او اي شيء محترم لكن الحكومة تصدت للاسف للحادث ده بقش الرز تخيلو قش الرز وخشب وشوية عمال واقفين في الطينه برجليهم والوزير واقف علي الشط
يساقف للرجاله
منظر بدائي بجد انا مكنتش اتخيله في بلد اقل كتير من بلدنا مصر
الاي للاسف قلبها بقا قاسي قوي علي المصريين


8 comments:

  1. Never mind any order of the Egyptian government Btaatsidi Kolrt and problems as potential means available to them if they needed was an estimated operating Aktar Men who worked currency means the government is the people you love my blog and I do not want Ptkhav it does not harm the disease burdens does not provide you with any you think any sentence that people tire da Shaif

    ReplyDelete
  2. يا تامر متظلمش الحكومه هما هيعملو ايه ولا ايه الناس دي
    الوزير من دول يا عيني تعبان وشقيان طول اليوم من هنا لهنا
    يعني ايه يموتوا نفسهم علشان المدونين الاي زيك يستريحوا

    ههههههههههههههه

    ابو وليد

    ReplyDelete
  3. انت بتتكلم على المازوت
    طيب ده على الاقل عارفينه وشايفينه الدور والباقي على اللي مش عارفينه من حيوانات ميتة وصرف صحي وبلاوي كتير ده ان ماكانش فيه نفايات مواد نووية
    قول يا باسط
    الشعب المصري متين
    ودي بالنسبة له شكليات
    عادي يعنى
    وعلى رأي عادل امام في فيلم مرجان احمد مرجان
    هو ليه اللي بيشرب من النيل بيرجع تاني
    علشان اللي شربه بيديه مناعة
    ولما يشوفوا مين المسئول اكيد هيشرب الناس شاي بالياسمين

    ReplyDelete
  4. بجد انا مش عارفة احنا هنوصل لفين

    بس برضه نرجع نقول اكيد فى عيب فينا احنا اللى بنخاف نكلم بنخاف حتى نفكر بنخاف نقول لا او ندافع عن ابسط حقوقنا

    ولسة هيكون فى كتير طول مفيش تغيير

    ايمى

    غلطة مطبعية

    ReplyDelete
  5. عزيزتي emmy
    اهلا بيكي في مدونة انسان عاشق حر

    وانا بشاركك تساؤلك احنا هنوصل لفين
    ده اكتر سؤال بيشغلني
    مصر هتوصل لفين
    للصوره الاي بنتمناها
    ولا لشكل تاني بعيد عن احلامنا ليها

    كلنا بنحب مصر ونتمني انها تبقا اعظم واجمل بلد
    وده مش هيتهم غير بينا

    بقدرتنا علي التغيير
    بقدرتنا علي الفعل

    تحياتي
    ونورتي المدونه فعلا
    واتمنا تبقا اول مشاركه ومش اخر مشاركه

    ReplyDelete
  6. عزيزتي soft rose

    انا مش بتفق معاكي في رايك ده
    مش علشان في سلبيات كتير بتحصل يبقا معني كده اننا نقف ونتفرج
    ونقول هو احنا بنتكلم في المازوت

    ايوه بنتكلم في المازوت
    وفي الحيوانات الميته وفي اي شيء
    بيدمر صحة الناس
    لاننا لو مش اتكلمنا في كده
    يبقا بنرضا بالاهمال لحد ما ياكلنا

    تحياتي
    انسان عاشق حر
    تامر الحسيني سابقا

    ReplyDelete
  7. اة يا بلد عايزة ولد
    مش جديد عليكى واللى فيكى فيكى
    اقول ايه انا مش بعلق على البوستات اللى زى دى باكتر من كده يا تامر
    لان عندى منها كلكوعة وممكن انفجر فى وشك
    اكتفى بهذا القدر
    تحياتى

    ReplyDelete
  8. عزيزتي ايه الشقيه الشعنونه ذات الكلاكيع

    للاسف مش انتي بس ذات الكلاكيع الناس كلها اتعقدت
    في ناس كتير مش بقا عندها امل ولا كلام تقوله
    ولا تعبر بيه
    ناس مش راضيه علي الوضع الحالي
    وفي نفس الوقت مش عندها بدائل كتير

    تحياتي لمشاركتك يا ايه
    واتمني دائما اعرف وجهات نظرك في مختلف التدوينات

    تحياتي

    ReplyDelete

باضافة تعليق انت تساهم في اثراء الحوار
وتعرض وجهة نظرك التي سيستفيد منها الاخر
بالتاكيد